Man Kitchen (已結業)

今晚放工好攰，想食西餐，沿着青山道一邊行，經過man kitchen ,見到佢門面好光鮮，望到餐牌性價比高，走入去試一試！餐廳有唔同種類嘅食物，仲有唔同價錢，由$50幾 一份鐵板晚餐至百幾蚊嘅晚餐都有今次叫咗一份鐵板殻飼豬扒，$100 11吋pizza , 跟餐附送甜品、餐湯、蒜蓉包、餐飲。先講餐湯及蒜蓉包，羅宋湯有點酸，蒜蓉包好趣牛油味好香值得一讚！跟住再等左一陣，上咗份Pizza 水牛城辣味雞肉薄餅，Pizza落足料，有芝士、雞肉、辣度適中！相比起連鎖Pizza店，佢嘅款式更特別，尤其係佢嘅批底，唔會好粉又唔會硬，老少咸宜跟住到殼飼豬扒，豬扒算新鮮，厚薄適中，配料亦都唔孤寒，俾足生菜、粟米、薯角，＄100多元的鐵板餐，絕對無偷工減料求其比塊雪藏豬扒食客，良心企業😁最後係甜品熱情果芝士蛋糕，略甜，尚可接受吧！喺長沙灣想食餐西餐坐得好啲，呢間Man Kitchen都算唔錯！