新東王 (已結業)

今日同朋友過黎馬鞍山上堂，順便食埋飯先走，原本諗住隨便揀一間食，點知成條巷只有一間排晒隊，肯定唔會伏.２個人都等了差不多２５分鐘，終於有位，等位期間，店員好熱情招待，又有免費凍冬瓜茶，又有免費台灣餅乾，好細心。店內位置不多，被安排坐ＢＡＲ檯，等左咁耐梗係要食好Ｄ，所以叫了紅燒牛三寶，另餃子套餐＄１５再額外加＄１５要黑糖鮮奶，如不想加錢，其實都送珍珠奶茶的，這間小店價錢相當親民，尤其是好多款小食套餐，由＄１５—＄２８都跟埋一杯台式飲品，相當抵食。牛三寶麵好快就黎，大大碗，望落賣相吸引，麵條好滑，同其他店唔同，好正，牛肉，牛根，牛肚夠淋，好入味，最喜歡牛肉是用牛肋肉，完全唔硬，好好食，另外另一亮點係半隻流心蛋，相比其他台灣牛肉麵跟的全熟蛋，這個流心蛋真係羸晒。黑糖鮮奶賣相非常吸引，虎紋效果出色，唔太甜，珍珠軟硬適中，以＄１５價錢黎講真係超晒班。好多人都話馬鞍山係美食沙漠，但這間店應該可以為馬鞍山打破沙漠這個名。