影片
更多
2020-04-15
301 瀏覽
呢日做外賣妹買午餐返屋企食，我就揀咗呢間新開嘅台式小店🇹🇼。小店設有幾個座位可以堂食，但我眼見買外賣嘅人比較多！當我望緊餐牌之際，應該係老闆嘅人行過，問我有無想食啲乜，同埋介紹下佢哋嘅菜式！根據佢嘅講法，唔少食材都真係來自台灣當地😊，但亦有部份食品係廚師自家製。食物選擇唔多，主食主要係滷肉飯同便當🍱(無麵食)，另外仲有其他台式小食如蛋餅、以及仙草芋圓類甜品。定價正正常常，唔算特別平，但份量比起平日嘅台式料理多！手切滷肉便當($48)，可能我肚餓啦，我覺得呢個滷肉飯好好食！米飯用上珍珠米🍚，粒粒分明，濕潤度剛好；而滷肉粒亦好出色，每粒均由師傅人手切，Size唔會太細，食落有咬口，加上肥瘦肉達到黃金比例。另外，碗飯仲搭配半隻溏心蛋，加麻醬菠菜同醃椰菜蘿蔔。台式排骨便當($58)，返到屋企先發現原來呢個排骨便當同滷肉便當嘅分別主要係塊豬扒🐷，其他無異！不過滷肉粒當然就無滷肉便當咁多。餐廳好細心，個外賣兜設有兩層，將豬扒同飯分開，避免整濕個皮。豬扒夠厚身，食落鬆軟，而且入味，好食啊🐖。炸薯角($29)，🥔作為薯仔控嘅我忍唔住嗌埋嚟食。炸薯角比平日細粒，但份量好多；炸起上嚟都唔太熱氣，唔錯。炸花
呢日做外賣妹買午餐返屋企食，我就揀咗呢間新開嘅台式小店🇹🇼。小店設有幾個座位可以堂食，但我眼見買外賣嘅人比較多！
當我望緊餐牌之際，應該係老闆嘅人行過，問我有無想食啲乜，同埋介紹下佢哋嘅菜式！根據佢嘅講法，唔少食材都真係來自台灣當地😊，但亦有部份食品係廚師自家製。
食物選擇唔多，主食主要係滷肉飯同便當🍱(無麵食)，另外仲有其他台式小食如蛋餅、以及仙草芋圓類甜品。定價正正常常，唔算特別平，但份量比起平日嘅台式料理多！
手切滷肉便當
$48
6 瀏覽
0 讚好
0 留言
手切滷肉便當($48)，可能我肚餓啦，我覺得呢個滷肉飯好好食！米飯用上珍珠米🍚，粒粒分明，濕潤度剛好；而滷肉粒亦好出色，每粒均由師傅人手切，Size唔會太細，食落有咬口，加上肥瘦肉達到黃金比例。另外，碗飯仲搭配半隻溏心蛋，加麻醬菠菜同醃椰菜蘿蔔。
台式排骨便當
$58
7 瀏覽
0 讚好
0 留言
台式排骨便當($58)，返到屋企先發現原來呢個排骨便當同滷肉便當嘅分別主要係塊豬扒🐷，其他無異！不過滷肉粒當然就無滷肉便當咁多。餐廳好細心，個外賣兜設有兩層，將豬扒同飯分開，避免整濕個皮。
豬扒夠厚身，食落鬆軟，而且入味，好食啊🐖。
炸薯角
$29
14 瀏覽
0 讚好
0 留言
炸薯角($29)，🥔作為薯仔控嘅我忍唔住嗌埋嚟食。炸薯角比平日細粒，但份量好多；炸起上嚟都唔太熱氣，唔錯。
炸花枝丸
$29
12 瀏覽
0 讚好
0 留言
炸花枝丸($29)，共4粒，味道無咩特別，正常之作🍡。
仙草2號
$35
5 瀏覽
0 讚好
0 留言
仙草2號($35)，材料包埋仙草凍、紅豆、綠豆同手工芋圓。老闆話呢到嘅仙草凍係自家製，果然係幾好味喎🤤，同罐裝嘅唔同，口感比較幼滑，配上鮮奶球(花奶嘅台灣叫法)食，好正。
午餐奉送$17飲品，其餘補差價。一杯要咗冬瓜檸檬🍋(原價$22)；另一杯就要咗凍胚芽奶茶加珍珠(原價$21+$3)，味道幾好，有好多胚芽粒，珍珠亦都好嚼。
總括嚟講，呢間台式小店嘅出品皆有驚喜，滷肉飯、小食以及甜品都好好食😋。不過我會推介淨滷肉飯以外嘅便當，因為同樣食到滷肉飯嘅味道之餘，可以試埋排骨或者鹽酥雞等😝。食物味道、店舖裝修以至服務都讓我感受到老闆嘅用心經營，加油💪！
張貼
