影片
更多
2014-03-31
757 瀏覽
此店由我報料給open rice 至今起碼一個月有多，或許兩個月，等open rice update 間食店資料, 我才可以寫下食後感, 所以我都唔記得用餐日期係幾時，因為我亦去過好多次，包括早餐及午餐。平時我都會自己帶飯，因為尖沙咀食晏始終都貴D，亦好難揾位，此店第一次去係咁啱個日冇帶飯，所以發現此自家製作，佢主打係食叉燒，亦有然雞肉及牛肉，午餐亦可以選擇配飯、麵或脆豬包, 另外如果加$15，可以有飲品及小食.第一次我係食燒烤牛肉配脆豬包，牛肉係有燒烤香味，但我覺得唔係好夠味，如果多番小小醬汁味道會好味D, 女仔都會夠飽（如果唔係太大食的話) , 另外亦有加小食, 因為其中一款小食係炸南瓜片，所以試吓，但我覺得南瓜片油咗D，味道亦冇乜特別，所以第二次都冇再加小食。第二次試叉燒配麵, 叉燒唔係D乜嘢特別嘢，但佢D叉燒燒得好香，佢寫住「招牌秘製叉燒」，所以味道當然唔差，亦食得出係用梅頭肉整，所以好鬆軟，重可以選辣定唔辣，但配麵我就覺得份量小咗D，如果男士一定唔夠飽，所以男士去都係食飯好D.其實當我食完第一次午餐之後，會再去幫襯係因為佢地每個店員都服務態度好好，笑容好好，其中一個女仔嘅笑
平時我都會自己帶飯，因為尖沙咀食晏始終都貴D，亦好難揾位，此店第一次去係咁啱個日冇帶飯，所以發現此自家製作，佢主打係食叉燒，亦有然雞肉及牛肉，午餐亦可以選擇配飯、麵或脆豬包, 另外如果加$15，可以有飲品及小食.
第一次我係食燒烤牛肉配脆豬包，牛肉係有燒烤香味，但我覺得唔係好夠味，如果多番小小醬汁味道會好味D, 女仔都會夠飽（如果唔係太大食的話) , 另外亦有加小食, 因為其中一款小食係炸南瓜片，所以試吓，但我覺得南瓜片油咗D，味道亦冇乜特別，所以第二次都冇再加小食。
第二次試叉燒配麵, 叉燒唔係D乜嘢特別嘢，但佢D叉燒燒得好香，佢寫住「招牌秘製叉燒」，所以味道當然唔差，亦食得出係用梅頭肉整，所以好鬆軟，重可以選辣定唔辣，但配麵我就覺得份量小咗D，如果男士一定唔夠飽，所以男士去都係食飯好D.
其實當我食完第一次午餐之後，會再去幫襯係因為佢地每個店員都服務態度好好，笑容好好，其中一個女仔嘅笑容比我感覺好親切，唔係招牌式嘅笑容，其次係我問佢有冇電話可以叫早餐，因為諗住可以打電話叫定再過去攞，個女仔好好人，重比咗2張Coupon我, 早餐可以減$5，所以我亦有去試早餐，第一次早餐唔記得食乜，第二食叉燒三文治，好有驚喜，叉燒真係好味，好香，重辣辣地，三文治好軟，重可以選白麵包或麥包，好似重可以選脆豬包或菠蘿包，我唔係好記得，因為我次次都係食麥包。
其實現在太多連鎖式食店或快餐店, 有D服務須然好好, 但比人感覺好似機械人, 例牌式笑容及多謝, 完全欠缺誠意. 但此店D食物須然唔係乜嘢特別, 亦唔係D貴價食物, 但此店比到我一種親切感之餘, 亦食得出佢哋個份心意, 因為佢哋無論早餐或午餐, 都係即叫即做, 三文治都係熱辣辣, 亦有好多餡料, 唔似某間連鎖式快餐店, D三文治好似隔夜麵包, 硬到掟死狗, 凍冰冰, 有D茶餐廳份三文治塊麵包薄到風都吹得起, 食完都唔飽, 塊午餐肉薄到得0.1cm, 好多茶餐廳都係咁, 都唔知係咪依家興嘅.
所以我覺得呢類自家經營嘅小店, 用心去經營, 好值得支持, 希望佢哋可以保持呢份心去繼續經營.
題外話/補充資料：
因叉燒可選辣定唔辣, 建議只係食得小小辣嘅人, 要唔辣好D, 因我自問都算食得辣, 平時都冇辣不歡, 都覺得有小小辣, 所以如果唔食得辣嘅人, 可能會覺得好辣.
(以上食評乃用戶個人意見 , 並不代表OpenRice之觀點。)
張貼
