影片
更多
2023-11-14
41 瀏覽
餐廳位處土瓜灣啟岸，朋友在附近上班，見頗多好評，食物亦精緻，故晚上特意來試，豈料氣氛同食物水準都令人喜出望外。呢日客人唔多，本身係大廚嘅老闆仲主動出嚟同客人傾計，非常親切。原來老闆做開西班牙菜，但呢個商場又希望走日式路綫，啟發老闆嘗試揉合歐式同日式嘅做法，效果出嚟幾好。老闆話呢區要靠熟客，故心明靠食物和服務取勝，所以性價比高，希望慢慢儲到一批熟客來幫襯，我都深受感動，希望多啲人試到佢嘅手藝。 二人晚市套餐 （$698），包括九揀三的高質Tapas前菜，四揀一的主食，再加一個甜品。 先講前菜Tapas。西班牙嘅Tapas一般係細細碟嘅小食，但Still的份量絕對唔少，而且由擺盤到食材都一絲不苟，感覺尤如在fine dining。我們選擇的三個Tapas包括： 日式魚刺身配木魚湯： 刺身會按時令轉變，當日是三文魚。三文魚好肥美，上面配上魚子，鋪在火箭菜上，再由侍應在客人面前加入木魚湯，很有儀式感。清新的木魚湯烘托著三文魚與魚子的味道，清清地但很開胃。 香烤胡椒蟹肉餅： 胡椒蟹餅炸得金黃醒目，上面鋪上莧菜苗BB令佢更靚，一咬下去，果然口感香脆，這全靠侍應細心地建議我們先吃較清的三文魚，然後把
原來老闆做開西班牙菜，但呢個商場又希望走日式路綫，啟發老闆嘗試揉合歐式同日式嘅做法，效果出嚟幾好。老闆話呢區要靠熟客，故心明靠食物和服務取勝，所以性價比高，希望慢慢儲到一批熟客來幫襯，我都深受感動，希望多啲人試到佢嘅手藝。
二人晚市套餐 （$698），包括九揀三的高質Tapas前菜，四揀一的主食，再加一個甜品。
先講前菜Tapas。西班牙嘅Tapas一般係細細碟嘅小食，但Still的份量絕對唔少，而且由擺盤到食材都一絲不苟，感覺尤如在fine dining。我們選擇的三個Tapas包括：
日式魚刺身配木魚湯：
刺身會按時令轉變，當日是三文魚。三文魚好肥美，上面配上魚子，鋪在火箭菜上，再由侍應在客人面前加入木魚湯，很有儀式感。清新的木魚湯烘托著三文魚與魚子的味道，清清地但很開胃。
香烤胡椒蟹肉餅：
胡椒蟹餅炸得金黃醒目，上面鋪上莧菜苗BB令佢更靚，一咬下去，果然口感香脆，這全靠侍應細心地建議我們先吃較清的三文魚，然後把握時間在蟹肉餅仍然香脆的時候吃。配埋蛋黃醬，好味！
香煎慢煮八爪魚：
八爪魚大條而且非常入味，並以蒜油煎香。此外，廚師仲好細心地製作了兩個醬汁，分別為芥茉蛋黃醬和墨汁蛋黃醬，不但上碟靚，亦令客人試多種口味，好用心！
這些「小碟」盡顯廚師的誠意，非常用心。輪到主菜，我們揀了好多人讚嘅「招牌西班牙海鮮炒飯」。它的做法是西班牙炒飯底，但上面鋪的並不是傳統的西班牙炒飯海鮮，而是日式的左口魚邊、蝦和魚子。口感方面，飯的水份較重，有點像日式的risotto，不過同樣非常入味。
甜品我們選了名為「煙靭之選」，原來又是西班牙同日式甜品嘅混合。呢度甜品包括西班牙國民甜品Churro （即西班牙油條）同兩款不同味道的日式蕨餅。Churro好香脆，甜度剛好（仲附上朱古力醬）；蕨餅香軟彈牙，不會過甜，又係好高質。
飲品另外叫了西班牙果茶和朱古力咖啡，兩杯都好飲。
餐廳氣氛優雅悠閒，客人可以慢慢坐。加上相比旺區，這裡不論服務、氣氛同食物水平都高，必定會再來支持，品嘗套餐的其他選擇。
張貼
