越之味 (新都城中心) (已結業)

行過見到商場難得有間唔喺集團連鎖經營嘅越南菜 好奇睇下個餐牌 主打牛肉 一向鐘意食牛嘅我決定試下 坐低叫咗個生牛肉湯河 飲品仲有半價 好抵湯河上檯砌得好靚 配料豐富 夾埋個湯飲落有神奇效果 好特別 感覺喉嚨辣辣地但好舒服唔喺辣到要飲水嗰種 好過癮唔喺味精湯 喺足料用心嘅湯底 值得一試生牛肉浸落個湯到令個湯更加鮮甜 河粉好滑 湯好夠熱 怕生嘅都唔驚 牛肉一浸就熟 唔會韌 後尾追加雞絲 一樣冇令我失望 夠新鮮 唔老 好鮮甜睇得出每樣食材都經過精心挑選 用心製作 值得再試睇到隔離檯叫嘅大蝦蟹膏蝦肉湯河都好正 賣相好吸引好香 隻蝦夠大隻 誠意十足可惜一個人食唔到咁多 決定下次帶埋朋友過嚟食 可以試多啲