春風三月 (已結業)

入元朗千色店搵朋友，咁啱經過附近有賣台式野飲嘅舖頭，就諗住試下。因為我都算早嚟到，所以唔算多人排隊，等咗大概5分鐘就已經可以拎到我杯飲品 。呢排興黑糖珍珠鮮奶，咁我梗係唔執輸，係度都試翻杯！黑糖珍珠鮮奶最重要係個掛杯，呢間春風三月又做得唔錯，而且店員細心咁提醒我要盡快飲，否則黑糖會好快溶晒。啲珍珠煮得啱啱好，唔會太硬或者太軟，同鮮奶嘅味道又真係幾夾，飲落一啲都唔覺得膩。另外值得一讚嘅係個杯口有個轉轉比我可以飲到奶蓋！唔洗特別打開個蓋好貼心。