高哥一Cook (已結業)

上星期六同老公入元朗拍拖+揾食，不嬲都知元朗多好嘢食，今次都好有驚喜，行到鳳攸南街見到呢間「高哥一cook」，佢地掛曬啲bb乳鴿喺舖內，好想試，價錢又唔貴，買咗兩隻，等緊既時間已經聞到好香，忍唔住即刻偷食，真係好好味，肉質好嫩，可能因為佢地用bb鴿，唔會好似出其他舖頭好乾好"鞋"，佢地即炸'，好crispy好多汁，最好正既係唔係死咸，有肉味，食得出落足心機做。結果，轉頭就食曬。原來佢地每日限量，我地等緊果陣有人專登訂定聽日，掛住食冇影相，下似要想試埋個雞粥。