影片
更多
2013-08-15
1229 瀏覽
終於都有時間出呢篇文啦, 6月時去左一間位於銅鑼灣既樓上餐廳,其實而家好多樓上餐廳/ cafe選擇, 不過今次呢間好似感覺比一般的寧靜d,所以真係好岩情侶約會, 或者朋友們gathering飲少少酒傾下計都ok噃。講緊既係EDEN ROSE, 上到去餐廳唔算好大, 但裝修得好時尙,俾人覺得好舒服唔局促。餐廳入面大約有20幾個位,所以就算坐滿哂客人, 都應該唔會好嘈, 岩哂怕嘈既我。好啦, 入正題, 睇下食D咩先...哈哈 !「蒜蓉包配新鮮蕃茄醬」, 我係好中意食蒜蓉包架, 今次呢個有埋新鮮蕃茄醬, 正啊。睇下, 新鮮蕃茄醬內有香草、橄欖油等調味, 貪心既我中意多蕃茄, 哈哈,大大啖咬, 連埋蒜蓉味極香既包一齊, 簡直係喺我口內躍動一樣, 夠誇張吧。「意式生牛肉配雜菜沙律」, 本身以為生牛肉會唔太好味, 但我完全錯啦, 個賣相掂啊。呢個生牛肉真係極度薄切, 完全冇血水味, 加埋個特制醬汁, 有少少日本麻醬香味, 仲有D酸酸地異常開胃, 開心死我啦。「36個月黑毛豬風乾火腿配蜜瓜」, 一上檯的即時嘩嘩聲, 事關我好中意食ham, 而呢個ham不會過咸, 配合甜到爛牙既完熟蜜瓜, 甜 x 咸
好啦, 入正題, 睇下食D咩先...哈哈 !「蒜蓉包配新鮮蕃茄醬」, 我係好中意食蒜蓉包架, 今次呢個有埋新鮮蕃茄醬, 正啊。睇下, 新鮮蕃茄醬內有香草、橄欖油等調味, 貪心既我中意多蕃茄, 哈哈,大大啖咬, 連埋蒜蓉味極香既包一齊, 簡直係喺我口內躍動一樣, 夠誇張吧。
「意式生牛肉配雜菜沙律」, 本身以為生牛肉會唔太好味, 但我完全錯啦, 個賣相掂啊。呢個生牛肉真係極度薄切, 完全冇血水味, 加埋個特制醬汁, 有少少日本麻醬香味, 仲有D酸酸地異常開胃, 開心死我啦。「36個月黑毛豬風乾火腿配蜜瓜」, 一上檯的即時嘩嘩聲, 事關我好中意食ham, 而呢個ham不會過咸, 配合甜到爛牙既完熟蜜瓜, 甜 x 咸既結合,真的滿足味覺享受, 好味, 推薦。
「黑松露菌忌廉湯」, 呢個湯又香又濃, 我中意黑松露陣味, 入口非常滑, 大愛。「龍蝦湯」, 呢個湯真係好濃龍蝦味, 一樣係入口好滑的, 不過相比黑松露湯, 呢個差少少了,不過都係個人口味啦, 有人中意龍蝦湯多d嘛, 係咪?
「慢煮三文魚配荷蘭汁」, 其實我一向都唔中意食魚, 因為我怕魚既腥味, 呢個三文魚只係熟左3成 (我估), 面層既海膽同魚子放埋一齊, 賣相加分了。入口有即溶既感覺, 不過可能我唔中意食魚既關係, 覺得有陣魚味,對我黎講係腥味黎架啦, 不過朋友們話唔覺有咩腥味, 所以係我個人問題啦。「燒西班牙黑毛豬配青蘋果沙沙伴芥末子燒汁」, 呢個黑毛豬肉質有d硬硬地, 唔夠juicy,同餐廳負責人反映一下, 佢地好認真地聽客人意見, 搵出改善方法。
「香煎智利白鱈魚配黑松露薯蓉 伴香草牛油忌廉汁」, 雖然我唔中意食魚,不過鱈魚類我又接受到噃, 呢個白鱈魚真係一點腥味都冇, d肉仲好鬼滑添,如果多一塊我都食得哂啊 (爆), 加埋下面既黑松露薯蓉, 冇得頂, 勁推呢個, 好好味。
「黑松露麵包蟹意大利飯」, 呢個真係份量10足啊, 啖啖飯香夠creamy, 仲好多蟹肉添,加埋旁邊既黑松露醬, 細味品嚐一下, 大滿足呢。
食到尾聲緊係要叫甜品啦, 「cream brulee 焦糖燉蛋」, 好香好滑, 焦糖唔會過多而太甜,食得出師傳係好用心做呢個甜品, 加上碟上心思圖案, 好靚啊。另一款甜品係「草莓吉士千層酥」, 呢個千層酥真係好特別, 同平時食開既千層酥好唔同,唔同在邊到呢, 就係個酥皮啦, 係用左Fillo Pantry做架, 所以咬落去有d似好鬆化既紙咁(爆),雖然好得意, 不過我都係中意食傳統既酥皮製法多d啦。
再黎有「檸檬雪芭」, 我平時食檸檬雪芭只係一啖起, 兩啖止, 因為好酸啊。不過Eden Rose出品又唔同感覺喎, 入口不話酸到想死咁, 甜度適中,夏天熱辣辣, 食一個雪芭真係透心涼啊, 呢個我真心推介, 好正。 「朱古力芭菲」, 由於我一向唔中意食朱古力整既甜品, 所以呢個我只係食左兩啖,因為我覺得比較甜, 其實係我個口味啫, 我朋友食又覺得ok啊。
最後, 我地唔怕肥死, 飲埋呢杯「特製熱朱古力」, 嘩, 好香好滑...好滿足, 飽到上心口。拿拿拿, 我只係唔太中意朱古力甜品, 我平時都會食朱古力, 飲朱古力架。
好喜歡Eden Rose負責人用心經營既態度, 絕對細心聆聽客人意見, 作出改善,雖然是樓上小小的餐廳, 我覺得用心製作令客人開心滿足地離開好重要,又多一個蒲點了。
張貼
