吉祥日本料理 (已結業)

又同同事黎黃埔搵好野食。呢間餐廳新開張，見到網上評價唔錯，特登黎試下。餐廳環境闊落，坐得舒服。我地俾佢個日替便當吸引。有刺身，壽司仲有金菇牛肉飯，岩晒選擇困難，又咩都想試的人。前菜有沙律同味噌湯，味噌湯好暖胃，而且加左少少紫蘇，味道更出。刺身兩件（油甘魚、三文魚）刺身食得出好新鮮，三文魚肥美厚切，油甘魚食落淡淡甘甜，有魚油香氣，口感清爽。立魚 魷魚 赤蝦壽司魷魚壽司好高質，食落嫩滑而略帶嚼勁。赤蝦肉厚飽滿，鮮甜爽脆。金菇牛肉卷呢個經典組合當然好食，加埋d燒汁好送飯。呢度用日本米，飽滿Q彈。炸吉列蠔新鮮即炸，蠔好juicy，海水味濃。外皮香脆不油膩，值得推介。咁高質的便當，埋單都是100元有找。而且每日的款式都各有不同，下次決定和同事再黎試下。