影片
更多
2015-11-04
459 瀏覽
同母親大人食飯,是日點菜:泡椒湯底烤魚,今日有有魽魚,鯇魚,同沙巴龍躉,揀咗沙巴龍躉,小辣.小食叫咗個涼伴川味粉皮.都幾大碟,除咗粉皮,仲有青瓜同木耳,青瓜極甜,又夠爽口,一睇就知唔係手切,係拍青瓜既做法;木耳切絲,又係好爽口,配辣辣地既川味汁,仲有少少麻,好醒胃!湯底已經包咗白蘿蔔,薯仔,芽菜,所以我地只係另外加咗響鈴同生菜.烤魚隨即就到,魚已經煎香咗,店員話滾起個湯就可以食,條沙巴龍躉都唔算細,2-3人食剛剛好,湯底叫咗小辣,我地覺得可以大膽d要中辣.條魚好滑,剛剛食就每一個部分都好滑,滾多一陣就背脊位會結實咗,但又唔係鞋口既,平時好少會食到呢個質地既龍躉!所以強烈建議比貴少少食龍躉!我地KO咗成條魚,然後d蘿蔔同薯仔就剛剛好夠𣺉食得喇,兩樣嘢到索晒啲湯,勁入味響鈴聽講樹記既出品,的確係同出面一般既響鈴有分別,明顯係新鮮貨,一d隔夜油味都無,好香豆味,今次試過後第日自己打邊爐就可以山長水遠咁去買黎食喇!生菜一份,份量比出面一般火鍋店為多,仲修剪到幾靚咁上枱,讚!下次可以試酸菜魚,同埋試下其他火鍋料
泡椒湯底烤魚,今日有有魽魚,鯇魚,同沙巴龍躉,揀咗沙巴龍躉,小辣.
小食叫咗個涼伴川味粉皮.都幾大碟,除咗粉皮,仲有青瓜同木耳,青瓜極甜,又夠爽口,一睇就知唔係手切,係拍青瓜既做法;木耳切絲,又係好爽口,配辣辣地既川味汁,仲有少少麻,好醒胃!湯底已經包咗白蘿蔔,薯仔,芽菜,所以我地只係另外加咗響鈴同生菜.
烤魚隨即就到,魚已經煎香咗,店員話滾起個湯就可以食,條沙巴龍躉都唔算細,2-3人食剛剛好,湯底叫咗小辣,我地覺得可以大膽d要中辣.條魚好滑,剛剛食就每一個部分都好滑,滾多一陣就背脊位會結實咗,但又唔係鞋口既,平時好少會食到呢個質地既龍躉!所以強烈建議比貴少少食龍躉!我地KO咗成條魚,然後d蘿蔔同薯仔就剛剛好夠𣺉食得喇,兩樣嘢到索晒啲湯,勁入味
響鈴聽講樹記既出品,的確係同出面一般既響鈴有分別,明顯係新鮮貨,一d隔夜油味都無,好香豆味,今次試過後第日自己打邊爐就可以山長水遠咁去買黎食喇!
生菜一份,份量比出面一般火鍋店為多,仲修剪到幾靚咁上枱,讚!下次可以試酸菜魚,同埋試下其他火鍋料
張貼
