寬巷子 (已結業)

純粹想用埋d海港城coupon又咁啱book到先食。揀左紅泥小染同東方美人鍋，$338好貴。 綜合肉類盛合朶豬頸肉玫瑰花砌得幾靚，d豬肉羊肉肉質正常，冇乜驚喜。 溫體牛睇得d台灣野多，話食溫體牛好正。牛肉味幾出，但冇令人驚艷嘅感覺。牛肉壽司滑睇落好似和牛壽司係好吸引，但d滑都要烚幾長時間先熟，但上面塊牛已經熟到鞋，成件事有d錯配。 豚肉壽司滑呢個反而有驚喜，面頭塊豬唔會因為太熟出事，舊滑又幾彈牙又juicy 傳統台式月餅糕純粹唔多夠飽，個fd又唔食得海鮮先叫。真心麻麻，雖然入面個餡幾好味，但份量超少。個米餅好易煮到爛溶溶，食落口感好差。 總括黎講，d擺盤係好靚，但食物質素冇驚喜，而且定價set得太太太高。兩個湯底五碟野食扣埋5張$100 coupon, 都要$1100鬆d落樓，呢個價喺出面好食嘅邊爐可以食到好多野，仲有可能太多人幫襯，人手唔多夠招呼又麻麻，唔推。