朝陽飯莊 (已結業)

今天是媽媽生曰，每次慶祝都會選擇食自助餐。但係今次我哋就想試吓食片皮鴨，所以我就揀咗尖沙咀朝陽飯莊。（因為之前同朋友試過覺得好食，所以今次就帶屋企人去試吓）首先我哋同服務員（阿姐）講：生菜包叫起先上菜，點知過咗五分鐘就上枱；之後叫佢哋影相，佢哋係唔係好願意咁；到最後，我哋同阿姐講:要一個外賣盒（$2）但係佢俾埋膠袋我，埋單既時候，竟然要我俾膠袋錢（$1），最大問題係，我冇問阿姐拎膠袋咁點解要收我錢～～今次食飯真係好失望，我以後都唔會想再去，亦唔會再介紹朋友去朝陽飯莊食飯