一鍋瘋 (已結業)

平時去砵蘭街都係食川菜，今次用apps訂枱，早食早優惠，可以用半價食到十款海鮮加火鍋，5點半去到已經有其他客人食緊，原來呢到係一人一鍋，平時粥底打邊爐都係得一大鍋，值得一讚，呢到有幾款無味精粥水湯底選擇，選左粟米和椰子湯底，椰子湯底似落左椰奶~比較淡，粟米湯正常發揮， 十款海鮮都好新鮮，最有驚喜~每人都有半隻肉蟹，肉質鮮甜肉夠實， 細蜆冇沙，如果唔夠飽，可以叫其他食物，大部份都係$8,總括來說， 值得一試，唔會有優惠而影響質素！！