祥仔辣辣 (海運大廈) (已結業)

前排用海港城coupon食咗呢間餐廳～ 佢有個二人餐用coupon收正價$49x勁多嘢食，由於加一前唔夠$500又用唔到五張$100😂 我地又唔想夾硬叫好多嘢食，所以就散叫🤣我地叫咗酸菜魚，炒四季豆，飲品同飯，最後用完coupon $200頭都幾抵～～酸菜魚如果兩個人食都幾多，好大個盆😂 魚肉都幾滑，味道都幾好，不過未算令人一試難忘🤣 反而炒四季豆幾香，都幾好送飯🤣 係合格嘅餐廳🥰題外話，食完呢餐之後，有一日朋友喺康城買咗個冬瓜湯飯外賣俾我做午餐，勁咸，仲要真係得兩粒瓜，好似俾人食完咁咩都冇，淨係得湯，好得人驚🥲🥲🥲 可能叫返辣野好啲😂😂😂