和拉麵

營業中

休息中

和拉麵對啱胃口！呢區拉麵選擇唔多，因為趕時間第一次叫呢間外賣，落單咗一份雞白湯拉麵加雜錦壽司丼加一份小食熟芥辣八爪魚。一般對外賣期望唔會太大，但打開至食落都真係有驚喜，拉麵足夠彈牙，湯份量雖然目測感覺比較少但原來足夠，（如果係元素表湯嘅比多兩兜你又點話吖）。熟芥辣八爪魚感覺新鮮彈牙。雖然我冇親嚐雜錦壽司丼，但睇到感覺非常新鮮份量足夠，引誘到我想要去試一試堂食。相約屋企人堂食當晚，叫咗四款拉麵加三款小食，三文魚刺身、煙肉芝士焗大菇同埋玉子燒，三文魚刺身後尾更要追加，玉子燒比我五歲孫女掃晒😭煙肉芝士焗大菇同樣要等到下一次堂食先至有機會再親試。堂食其實真係好重視招呼，唔好睇呢間舖頭多數都係比較年青嘅工作人員，留意到佢哋工作經驗應該唔會多，但感覺佢哋用心同足夠體貼亦懂禮貌。街坊留意到嘅真心可以一試💛最終外賣或堂食我都比足滿分💛💛💛💛💛