雲南小鍋米線

營業中

休息中

今日終於叫到同事由大埔專登入黎石蔭食呢間我介紹已久既雲南小鍋米線，一直以黎我都係佢地既fans。今次我地分別叫左個皇牌米線、大腸炸醬小鍋米線小小辣，一直唔係好食得辣既我都勉強食到佢地既小小辣，講返個湯底先，好足料，肉碎、芽菜、酸菜同韮菜分量十足，成個湯底味道濃厚，正！皇牌米線包左腩肉、雞絲同螺旋藻，腩肉甜甜辣辣好惹味，雞絲好幼吸埋湯底一齊食好入味同嫩滑，螺旋藻十分爽口！另外再試下朋友叫既大腸，又淋又入味，炸醬肉碎都好香、辣辣地，分量亦不少，好好味，推介！