Lamlam脷 (已搬遷) 新店位置

自重M小姐進駐左香港後，千層蛋糕熱都無乜減退過。M小姐價格並絕對唔平，值唔值就見人見智，但由網紅店走到實體店既，買個千層蛋糕分分鐘要排2個幾月，而且價錢唔貴，我諗呢度係個唔錯既選擇！👍🏻👍🏻👍🏻之前我家姐好鍾意係度訂蛋糕，所以好多款我都食過，朱古力流心對我來講有啲過甜，抹茶既回甘好香好食，而今次我就揀左伯爵茶千層，伯爵茶個Cream 好香，夠滑，食起上來無其他款咁甜。食到第2件都唔覺好漏。而且有好多層，口感好足。👍🏻👍🏻 坦白講$200一個蛋糕，淨係叫你煎啲餅皮再層層搽Cream 都搽到暈啦。$200淨手工我都覺得好值。😂😂👍🏻👍🏻