影片
更多
2016-11-29
2333 瀏覽
坦白講車媽媽近年真的口福不淺，各式各樣美食都能盡收嘴內，不過有時吃盡精彩菜式的同時，亦會想來一個由零開始的感覺，用最原始嘅味道征服被寵壞的味蕾，這天車媽媽便有機會到品嚐它由零開始甚出名的手工意粉，及其他精美菜式。走在上環的文咸東街上很易便會掠過餐廳的門口，所以大家到來時要留心一點呀！先上枱的是自家製橄欖麵包🍞，包身鬆軟亦富橄欖香氣，平時吃麵包我喜歡點醋，但餐廳就唔建議反而想我好好咁欣賞佢嘅橄欖油，確實橄欖油入口味道醇香十分清爽呀。前菜{Truffled Fried Oyster} $48，法國生蠔用上天婦羅的方法輕輕炸香表面，內裏還是保持生蠔的質感，這便正是外脆內嫩的表表者。生蠔入口味道鮮甜，再配合黑松露醬的點綴，鮮香味即時提升，而蠔底的菠菜忌廉亦都香滑可口，用餐包點來吃更加滋味喔！這夜高興嘛開枝酒爽吓先，{Giusti Rosalia Prosecco Extra Dry}$408，稻草色的開胃酒入口富果香味道清新，很和諧的口感我喜歡它啊~🍸{Baby Beetroot Salad}$98，令我驚喜萬分的一份沙律，因為內裏有
走在上環的文咸東街上很易便會掠過餐廳的門口，所以大家到來時要留心一點呀！
先上枱的是自家製橄欖麵包🍞，包身鬆軟亦富橄欖香氣，平時吃麵包我喜歡點醋，但餐廳就唔建議反而想我好好咁欣賞佢嘅橄欖油，確實橄欖油入口味道醇香十分清爽呀。
前菜{Truffled Fried Oyster} $48，法國生蠔用上天婦羅的方法輕輕炸香表面，內裏還是保持生蠔的質感，這便正是外脆內嫩的表表者。
生蠔入口味道鮮甜，再配合黑松露醬的點綴，鮮香味即時提升，而蠔底的菠菜忌廉亦都香滑可口，用餐包點來吃更加滋味喔！
這夜高興嘛開枝酒爽吓先，{Giusti Rosalia Prosecco Extra Dry}$408，稻草色的開胃酒入口富果香味道清新，很和諧的口感我喜歡它啊~🍸
{Baby Beetroot Salad}$98，令我驚喜萬分的一份沙律，因為內裏有我最最最愛的金菜頭，大家可知道香港要買一個金菜頭並非易事，而且內裏三款紅菜頭都用上不同方法來炮製，紅色係醋製，黃色係海鹽製，而花紋就係新鮮的，再配合埋自家製嘅乳酪汁同埋BB菠菜和合桃等口感十分之豐富。
{parmigiano Frittlle }$118，這個芝士波喺西班牙菜通常都會吃到，不過這兒的出品更加Creamy，因為佢除咗有Ham，Cheese外更加上濃湯來泡製。
而芝士波上下都有用15年黑醋做成的Cream，配合芝士波一齊來吃減低油膩感之餘更添香氣。
{Contemporary Style Onion Soup }$108，充滿時代感的洋蔥湯，做法非常繁複，先將洋蔥湯打至全溶配以Mozzarella Foam，而內裏還有一隻小巧的雞肉Mousse意大利雲吞，洋蔥湯味道很濃香，而且質感滑溜無比，而那件小巧的雲吞更加係皮滑餡香芝味無窮呢！
湯內的雲吞已那麼好吃，忍不住再點了一客{Beetroot Ravioli }$148/半份，紅菜頭雲吞，果然不負眾望雲吞皮薄滑溜，加上香甜紅菜頭質感幼滑，味道香甜細緻，十分討人喜愛。
餐廳最出名嘅就係手造意粉，當然要一探它的虛實啦！{Blue Crab Pappardelle}$228，用上鮮甜的阿拉斯加藍蟹肉作主，再加上濃郁海鮮醬汁炮製出這碟香濃可口的闊條麵，首先蟹肉鮮甜無腥味，加上濕潤兼富彈性的闊條麵，成件事係好幸福的大家明白嗎？
但驚喜總是停不了，這客{Carabineros Red Prawn Spaghettini}$288，徹徹底底俘虜了車媽媽的心💘，首先係六成熟的紅蝦質感還帶點軟糯，味道十分鮮甜，繼而用自家製XO醬和番茄乾來配襯乾意粉，因為會比新鮮製意粉更能配合醬汁嘅味道和口感。
意粉味道真的好出色👍，想像唔到中式XO醬加蕃茄乾做出嚟意粉會有那份化學作用，那XO醬好吃得車媽媽即場要買一罐家跟車爸爸分享呢！
{Grilled USDA Prime Ribeye 10oz}$468，我當然要照顧吃牛嘅好朋友啦！餐廳用上指定的牛肉炮製菜式，聽聞飼料和飼養過程都有嚴格的要求，所以牛味會比較香濃，配上原條牛骨髓真的十分誘人，連不吃牛不的我也流晒口水呢！
大家見我冇得食牛肉就嗌咗少少Sides俾我分別有香滑爽口Sauteed Mushroom🍄，軟糯甘香的Crispy Roasted Potatoes🍠，和香甜的Griller Corn Salad🌽各$48，師拉仔的我梗係要晒三款啦因為只須$108，比單點一份抵得多啊~
而家出街食飯真係不能夠沒有甜品，如果唔係真係覺得心靈好唔完整咁返屋企，那先來一客Tiramisu $78。
這兒的Tiramisu係用蛋同糖去炮製冇落Cream㗎！感覺即時良好呢！而且吃下質感好滑溜味道亦不會太過甜，還要加上好特別的朱古力爆炸糖🍫💣，口感即時提升不少呢。
特別的還有這款坊間少見嘅粟米布甸🌽，{Sweet Corn & Vanilla Pudding}$78，布甸內有粒粒粟米蓉極具咬口，而且用上自家製粟米雪糕，味道香甜口感滑溜，好夠特色喔。
最後係{Yin Yan Affogato}$78，Affogato大家試得多有冇食過鴛鴦味嘅呢！😁
整件事都太神奇了，首先佢用咗自家製的奶茶雪糕，還有一件十分可愛的花生醬曲奇，入面仲夾咗煉奶添真的十分有意思，不過咖啡味道確有點霸道，所以鴦味不算十分出色，不過這甜品我覺得創意玩味都十足值得一呀。
張貼
