影片
更多
2020-12-03
2006 瀏覽
第一次食法國菜價錢每人唔洗一千蚊, 第一次由餐前小食讚到去甜品, 回味無窮! 聽說呢間餐廳大廚大有來頭, 曾於米芝蓮餐廳學廚, 擁有豐富法國菜烹調經驗, 當然試過佢廚藝就知佢名不虛傳!餐廳面積不大, 好少可平日晚兼逆市中, 全場坐滿食客, 而且位於登龍街地舖, 對於法國菜黎講收呢個價錢的確有d驚訝~幾乎每位客人都選擇set menu, menu不定時更新, 今晚我地就嘆左 Tasting Menu HK$680/位先送上前菜、餐飲【火腿配橄欖醬 配 牛角包】火腿鹹香味偏重, 暖暖牛角包好酥化, 牛油味很重, 平衡了口中嘅"重口味”, 餐前小食已經咁有水準, 令人充滿期待感~【皇帝蟹肉配海膽伴芹菜頭泡沫】呢款絕對可以用"入口即溶"黎形容, 芹菜頭製成沙律泡沫, 清新感令皇帝蟹肉更顯鮮味, 海膽大大粒, 鮮甜無比。【煙燻油浸三文魚配法國魚子醬牛油果青瓜沙律】透明器皿罩住濃濃煙霧, 充滿神秘感, 上檯後店員協助將罩慢慢打開, 淡淡煙燻散發著, 北太平洋魚子醬佈上了經低溫油封過嘅三文魚之上, 盡顯氣派, 配上牛油果醬、青蘋果沙律卷, 減少油封過三文魚之油膩感。【北海道帶子南瓜湯】帶子表面被輕輕
聽說呢間餐廳大廚大有來頭, 曾於米芝蓮餐廳學廚, 擁有豐富法國菜烹調經驗, 當然試過佢廚藝就知佢名不虛傳!
餐廳面積不大, 好少可平日晚兼逆市中, 全場坐滿食客, 而且位於登龍街地舖, 對於法國菜黎講收呢個價錢的確有d驚訝~
幾乎每位客人都選擇set menu, menu不定時更新, 今晚我地就嘆左 Tasting Menu HK$680/位
先送上前菜、餐飲
【火腿配橄欖醬 配 牛角包】
火腿鹹香味偏重, 暖暖牛角包好酥化, 牛油味很重, 平衡了口中嘅"重口味”,
餐前小食已經咁有水準, 令人充滿期待感~
【皇帝蟹肉配海膽伴芹菜頭泡沫】
呢款絕對可以用"入口即溶"黎形容, 芹菜頭製成沙律泡沫, 清新感令皇帝蟹肉更顯鮮味, 海膽大大粒, 鮮甜無比。
【煙燻油浸三文魚配法國魚子醬牛油果青瓜沙律】
透明器皿罩住濃濃煙霧, 充滿神秘感, 上檯後店員協助將罩慢慢打開, 淡淡煙燻散發著, 北太平洋魚子醬佈上了經低溫油封過嘅三文魚之上, 盡顯氣派, 配上牛油果醬、青蘋果沙律卷, 減少油封過三文魚之油膩感。
【北海道帶子南瓜湯】
帶子表面被輕輕煎至金黃, 內裡keep到剌身般多汁, 鮮甜味十足! 配有炒雜菌粒, 淋上暖暖南瓜濃湯, 口感幼滑, 味道清甜, 正!
食物咁高質, 當然值得加錢追加!
自選 +$88【香草煙燻乳鴿配牛肝菌意大利飯】
比起平時食嘅中式全熟乳鴿, 肉質同味道大大不同, 色澤粉嫩, 肉質嫩滑, 煙燻味濃郁, 配上清甜無花果+紅菜頭, 平衡了煙燻鹹香, 底部有少量creamy牛肝菌意大利飯, 豐富了整體層次。
自選main course, 我倆分別揀了唔同款可以share試試。
【立鱗燒甘鯛魚配龍蝦汁】
鯛魚魚鱗被炸至金黃香脆, 一刀切時脆得有聲, 香脆魚鱗令口感富有層次, 配上濃而不澀、入口幼滑嘅龍蝦汁, 不但冇覆蓋到魚鮮味, 反而令味道更加提升。
另一款main course 【法式脊翼牛扒配香草牛油】
店員介紹特意揀左近牛肚位置嘅脊翼牛扒, 脂肪比較少, 建議5成熟, 肉味香濃, 配上自家秘製香草牛油、少量黑松露薯蓉、油封櫻桃番茄、烤蘑菇、蘆荀, 平衡濃郁肉味。
最後到甜品時間
【自家製「杏仁金磚蛋糕】
蛋糕有清香嘅堅果味, 分別加入左開心果、櫻桃, 簡單配搭, 味道清新。
【味噌朱古力撻】
上檯後, 店員噴左少少清酒係撻表面, 不過食落就唔太覺有酒香味, 反而超喜歡軟滑口感兼帶少少鹹嘅cream, 中和軟心朱古力甜味, 就連撻底都係富有牛油香嘅朱古力撻黎ga~~
【慢煮士多啤梨焦糖燉蛋】
凍食燉蛋入口即溶, 蛋香味很重, 表面有薄薄焦糖, 焦糖下佈了一層經慢煮嘅薄薄士多啤梨, 香甜軟滑。
第一次食法國菜由頭讚到落尾, 超水準質素, 對比其他法國餐廳黎講, 價錢相對平d, 值得推介!
張貼
