文興酒家 (曾昭灝大廈)

營業中

休息中

我哋揀咗位於中環嘅中菜餐廳，因為地點係蘭桂坊行人天橋附近，好有香港特色地點，又有中環街市行下，都算係幾方便又近。 我地一家人都認同餐廳物超所值，分量大份味道又好，服務快手，環境乾淨。櫻桃鴨：鴨皮燒得好脆，入面有juicy，唔打柴，十分正。叉燒王：簡直係我喺香港食過最好食嘅叉燒，因為呢去肥瘦均勻，呢個味都好唔錯嘅，又唔會太濃，非常之好嘅。是日燉湯： 係真材實料嘅湯渣喺度呢，淨係食湯渣呢都覺得好好味，食得出啲材料呢係上等同埋新鮮嘅。 燒賣拼蝦餃新鮮，好味，夠傳統。香濃牛尾煲蟹黃脆蝦球四層各有不同口感，多士，蝦球，蟹黃，加上金薄。海佬脆河粉河粉炸過, 加上大大粒嘅帶子魷魚同埋蝦球， 湯底好鮮： 菇，蕃茄，瑤柱，煮成非常之鮮甜呀。暖心千層糕暖心千層糕必點。口感好煙韌，椰香味十足，加上好食又有特色。另外，餐廳入面嘅侍應好細心，會成日提醒小朋友小心個煲，又有殷切嘅服務，態度值得一讚。