影片
更多
2018-05-08
648 瀏覽
**留意下呢間野啲其它食評, 照片風格全部一個款**之前食過兩次Club One, 一次中午茶市石門, 水準ok, 地方ok; 第二次就係康怡果間晚飯, 非常一般, 地方一般, 價錢唔平.講返今次去人婚宴呢餐, 的確係慘不忍睹, 事後我經已同好多人分享先知道原來都係極差評, 仲衰過之前皇廷集團, 如果Club One經營者睇到呢篇野, 您係有心長做嘅就唔該你改善, 咁做法唔會長久大家明咩事.果晚簽完名坐低, 望下周圍見到地板用飯堂地磚, 牆身清一色牆紙, 椅係飯堂鐵通櫈套椅套, 成件事係一個攝影佈景棚, 用燈光搭救嘅, 同啲相兩回事.食物水準方面係重點, 每圍十二位:第一道乳豬全體係室溫, 九成肥膏第二道雜菌炒蝦球, 分餸蝦球每位兩隻, 分到第十二碟得一隻, 有人無耐地食少啲, 呢碟餸味道可以, 同埋係微熱嘅第三道炸蟹鉗, 真係就咁放12隻炸蟹鉗(加細碼)響個大碟度乜裝飾都冇, 不過係熱嘅, 接受第四道冬菇瑤柱碎瓜脯, 連玉環瑤柱都唔比, 呢味野係茶餐廳貨色真係cheap到一個點, 不過微熱同夠十二隻冬菇, 算啦好肚餓, 接受第五道海皇竹笙羹, 開始黎料, 分左八碗已見底, 然後要響果
之前食過兩次Club One, 一次中午茶市石門, 水準ok, 地方ok; 第二次就係康怡果間晚飯, 非常一般, 地方一般, 價錢唔平.
講返今次去人婚宴呢餐, 的確係慘不忍睹, 事後我經已同好多人分享先知道原來都係極差評, 仲衰過之前皇廷集團, 如果Club One經營者睇到呢篇野, 您係有心長做嘅就唔該你改善, 咁做法唔會長久大家明咩事.
果晚簽完名坐低, 望下周圍見到地板用飯堂地磚, 牆身清一色牆紙, 椅係飯堂鐵通櫈套椅套, 成件事係一個攝影佈景棚, 用燈光搭救嘅, 同啲相兩回事.
食物水準方面係重點, 每圍十二位:
第一道乳豬全體係室溫, 九成肥膏
第二道雜菌炒蝦球, 分餸蝦球每位兩隻, 分到第十二碟得一隻, 有人無耐地食少啲, 呢碟餸味道可以, 同埋係微熱嘅
第三道炸蟹鉗, 真係就咁放12隻炸蟹鉗(加細碼)響個大碟度乜裝飾都冇, 不過係熱嘅, 接受
第四道冬菇瑤柱碎瓜脯, 連玉環瑤柱都唔比, 呢味野係茶餐廳貨色真係cheap到一個點, 不過微熱同夠十二隻冬菇, 算啦好肚餓, 接受
第五道海皇竹笙羹, 開始黎料, 分左八碗已見底, 然後要響果八碗度分返多四碗出黎, 每人個碗得六成滿, 又算數啦熱熱地拎起個碗一啖飲左佢
第六道鮑魚仔花膠扒生菜, 今次鮑魚仔每人有一隻, 但係啲花膠好腥, 咬左半舊唔咁嘔狂灌汽水落口, 花膠好難會煮得腥, 我唔知佢用咩貨, 碟餸微熱起碼生菜同鮑魚仔係ok嘅
第七送蒸石班, 條魚一上臺各人就話咁細條魚實唔夠分, 個侍應知道條魚細經已就住黎分, 點知分左九碟(每碟少少肉)就得返個魚頭同魚骨, 唯有分一碟成個頭擺上去, 剩兩碟四圍拆番平均, 呢味餸好唔好食我唔知因為我果碟係兩塊魚鰭同埋骨, 應該係肚腩果兩塊鰭連骨, 我食到碟餸係暖嘅
第八味"脆皮吊燒雞"? 一上臺又係果個問題, 隻雞好細隻, 侍應分每位兩件, 分得十一碟, 算啦有人放棄唔食, 呢味餸好過份, 凍嘅, 聞落去益嘅, 結果冇人食, 隻雞死得好唔抵
對唔住後面果啲唔知好唔好食, 因為肚餓, 離開左返屋企開罐頭
我同大家講, 老老實實呢個所謂套餐係唔包酒水, 另加酒水套餐(席間無限供應) $700 (汽水+啤酒) $800 (汽水+啤酒+鮮橙汁) $1,080 (汽水+啤酒+鮮橙汁+紅酒), 仲要係入席前只供應茶同清水, 你比啲咁嘅茶餐廳級數食物人食, 個場又唔靚勁佈景feel, 計落絕對唔值得, 唔好咁陰公啦人地結婚都係想一生人一次
**留意下呢間野啲其它食評, 照片風格全部一個款**
題外話/補充資料：
**留意下呢間野啲其它食評, 照片風格全部一個款**
(以上食評乃用戶個人意見 , 並不代表OpenRice之觀點。)
張貼