蕃茄濃湯專門店 (已結業)

📍番茄濃湯專門店📍身為番茄湯愛好者，一直都想試下番茄濃湯專門店，早排見到佢地係十月三十日光榮結業，把握時間即刻去試下先。小店嘅🍅湯底味道算濃，有少少稠，食落偏酸少少，揀完湯底再揀配料+麵款～今次試咗蕃茄西蘭花拉麵同蕃茄芝士烏冬，麵款都係比較普通既一款～對比其他番茄湯店，食落有少少遜色🤏配料叫咗雞扒同炸餃子🥟雞扒煎得好香脆，外皮好薄又卜卜脆，雞肉都好嫩滑好食！炸餃子係韭菜豬肉餡，炸得夠脆，正常普通～另外仲試咗忌廉芝士蘑菇烤雞翼，味道幾特別，食落甜甜地，鍾意忌廉芝士嘅人應該會幾鍾意🤣小店做到十月三十，元朗街坊可以支持下💪🏻