味皇茶餐廳 (已結業)

最近食嘅都係一啲街坊餐廳，但質素唔可以睇小👍🏻。即使附近食肆開完又執，執完又開，曉麗苑嘅味皇依然屹立不倒😆。大多數食客都會揀小菜，但我一定會食呢個蘑菇番茄濃湯麵🍅。湯底濃郁，味道天然。配料肉食葷食應有盡有🥬🥓，但我最推介鮮菌。一聽到鮮菌肯定以為係鮮冬菇，其實係冬菇切片後生曬而成嘅，所以一入口就食到乾冬菇特有嘅濃郁鮮味🤤🤤。成個combination都好開胃🤩！💲39 連多士、飲品。