影片
更多
2022-07-27
1511 瀏覽
作為美孚街坊，都真喺唔知開咗一家小食店「街頭轟炸機」，因為呢一頭啲外賣小店都轉嚟轉去，尤其早輪疫情下，實在無可奈何。 話佢喺小食店，其實，佢有唔少主食供應，正正有啲啱老婆食嘅蕎麥麵，所以，點都要試吓。 鋪面一眼睇晒，成個鋪面就喺餐牌嚟，印住避風塘系列、紫菜山系列、炸物、日本蕎麥麵系列、溏心蛋紫菜伴飯系列、沙律、鹹蛋黃系列、自家製飲品，定價都好相宜。 此外，晌收銀旁有板黑板，寫住店長推介及一啲新產品。店員溫馨提示，所有食物都喺叫叫即做，需要等10分鐘左右，無問題吖，正正可以過隔離惠康買啲嘢。 跟住，店員更補充，可以瀏覽佢哋嘅二維碼，既可睇到有咩新品，亦可以直接落單，到校啱時間先落去拎，就唔使嘥時間等，啱晒我哋啲美孚友。 因為啲嘢又真喺唔買，嗌吓嗌吓原來都兩大袋嘢，仲喺用foodpanda嘅紙袋，今日落嚟着得又好街坊，搖身一變成個外賣仔，哈哈！一張大相晒冷睇吓嗌咗乜，有炸物、沙律、蕎麥麵、紫菜伴飯同兩杯飲品，嗌到一枱都喺，都只不過$208，真喺幾抵吓。蔬菜拼盤 $38既然店家主打各式各樣炸嘢，點都要叫番一款，就揀個蔬菜拼盤，由於啲嘢真喺即叫即炸，所以，熱焫焫，見到店員都好醒目將盒面剪去一角
鋪面一眼睇晒，成個鋪面就喺餐牌嚟，印住避風塘系列、紫菜山系列、炸物、日本蕎麥麵系列、溏心蛋紫菜伴飯系列、沙律、鹹蛋黃系列、自家製飲品，定價都好相宜。
此外，晌收銀旁有板黑板，寫住店長推介及一啲新產品。店員溫馨提示，所有食物都喺叫叫即做，需要等10分鐘左右，無問題吖，正正可以過隔離惠康買啲嘢。
跟住，店員更補充，可以瀏覽佢哋嘅二維碼，既可睇到有咩新品，亦可以直接落單，到校啱時間先落去拎，就唔使嘥時間等，啱晒我哋啲美孚友。
因為啲嘢又真喺唔買，嗌吓嗌吓原來都兩大袋嘢，仲喺用foodpanda嘅紙袋，今日落嚟着得又好街坊，搖身一變成個外賣仔，哈哈！
一張大相晒冷睇吓嗌咗乜，有炸物、沙律、蕎麥麵、紫菜伴飯同兩杯飲品，嗌到一枱都喺，都只不過$208，真喺幾抵吓。
蔬菜拼盤 $38既然店家主打各式各樣炸嘢，點都要叫番一款，就揀個蔬菜拼盤，由於啲嘢真喺即叫即炸，所以，熱焫焫，見到店員都好醒目將盒面剪去一角，避免「倒汗水」影響食物口感。餐牌都寫到明，每份蔬菜拼盤有茄子、蕃薯、芋頭、尖椒及脆玉瓜各三件，所以，湊湊埋埋一大碗，並伴有一小罌甜酸醬，如鍾意可以額外加錢配其他醬。外層嘅粉漿薄薄一層夠脆口，入口唔算油，蕃薯、芋頭都好夠粉，脆玉瓜仲喺爽爽哋。
慢煮雞胸雜菜沙律 $48除咗一客炸嘢，小弟打算揀個吉列豬，所以，加一份沙律嚟減減個邪惡感，原本諗住叫慢煮雞胸菠蘿雜菜沙律，不過，剛啱無晒菠蘿，咁就慳$10要份慢煮雞胸雜菜沙律。賣點喺雞胸以慢煮處理，而且，份量非常之多，沙律菜亦都非常之爽脆新鮮，可選日式油醋汁或芝麻醬，絕對喺超健康之選。
慢煮雞胸雜菜沙律
$48
33 瀏覽
0 讚好
0 留言
主食方面，老婆都喺以健康為主，其實佢有啲都會煮蕎麥麵食，所以，一眼就睇啱呢一款蕎麥麵，啲麵咬落有韌勁，配上蕎麥麵汁，加少少日本芥末，已覺得好唔錯；而佢最欣賞喺啲慢煮雞胸，就算喺厚切，意外哋口感好嫩滑，加上去晒啲雞皮，亦唔用煎嘅方式，更健康，但食落味道卻又一啲都唔寡，
慢煮雞胸溏心蛋蕎麥麵
$58
37 瀏覽
0 讚好
0 留言
同樣都喺份量十足，飯又一大兜，豬扒又一整件，講吓隻溏心蛋先，隻蛋真心正，一來做到溏心，蛋漿綿綿，呢個喺基本啦，最正喺有一陣陣煙燻香，好好食；雖然啲豬扒唔喺厚切，但炸得香而不膩，外層又鬆脆，沾上少少自家製蛋黃醬就更好食；而將啲紫菜跟日本米飯拌勻，軟綿嘅飯粒中有點鹹鹹脆脆，食味真喺唔同晒。
自家製菊花茶、洛神花茶 @$8每支自家製茶飲原價就要$16，但凡買滿天$40就可以以半價嗌一杯，食咁多熱氣嘢，梗喺要杯菊花茶啦，而老婆最心水就喺洛神花茶。入口味道真喺好天然，仲見到少少菊花嘅花瓣晌杯內浮浮沉沉，真喺自家製，微微甜，又夠清涼，解晒熱呀！
依家做飲食好唔容易，做外賣店算叫做可以減省多啲鋪租、人工嘅開支，故此，晌依家仲喺「疫」市下，只要食物有質素，定價相宜，仍然大有可為。
張貼
