The Cool Cousins Cafe & Noodle Bar

營業中

休息中

🍔🍟🍜當漢堡遇上金邊粉▫️QR code 落單☑️ 香煎法式鴨髀 •金邊粉• 冬陰茄湯 •泰式魚餅 - $98首先個湯底值得一讚，湯底比較杰身，茄味濃郁，應該有好多蕃茄蓉，酸酸甜甜，微辣開胃，冬陰功味都食到d但唔太出，但整體湯底嘅味道我幾鍾意，食完都仲想飲晒d湯，而金邊粉亦都好掛湯。鴨髀都算大隻，外皮煎香左，而肉係軟淋淋，好易咬開，幾好食。魚餅是另上的，熱辣辣煎香左，味道絕對唔會比泰國餐廳差。除左金邊粉同鴨髀，湯粉內仲有大量好脆口嘅豬皮，亦有芫荽、蔥絲及3片酸蘿蔔。☑️ 招牌72 小時安格斯牛小排漢堡 - $121漢堡包皮有煎香，都脆脆地，而菜用上羽衣甘藍，配上芝士醬，味道突出。上面仲有d焦糖洋蔥、烤菇，都好香。而慢煮牛小排好厚身，牛肉味好濃，亦吾會過熟變到好韌，配上BBQ醬汁，味道好夾。另有沙律及薯條伴碟，薯條新鮮炸起，十分香脆，沙律菜新鮮爽口，配上黑醋汁解滯。唯價格稍貴。☑️泰式炸蝦餅 - $19蝦餅有2件，炸得香脆但又吾會油淋淋，蝦味都好香，個人認為比魚餅好食。