Outdark (飛達商業中心)

營業中

休息中

呢度就嚟變咗我飯堂😂一來我鍾意食韓國嘢，連麻麻哋韓國嘢嘅老公都話OK好食，咁梗係要帶佢嚟食多幾次啦！呢度嘅炸雞真係食過返尋味！揀咗蒜香蜜糖炸雞🍗喺呢度出晒名！首先個炸雞非常香脆，薄脆得來唔會硬，而且keep肉質Juice，加上蒜蓉味好夠香又唔over，想要辣啲又可以點佢提供嘅辣汁。main point 係炸雞同薯條堆到成座山咁高！睇見都開心啦，$200咁大份真係好抵食！除咗大大件雞肉之外，仲有大量嘅薯條、薯格，一次過試晒幾種口味，口感仲要係外脆內軟，全部啱啱炸起勁好味！兩個女仔嚟食嘅話淨係炸雞已經夠飽！老公鍾意有米落肚，就叫咗個海鮮炒飯，上面有隻蛋，賣相都幾靚！個海鮮炒飯都幾足料，見到有好多八爪魚仔，所以食落口感特別煙煙韌韌。