牡蠣小屋

營業中

休息中

朋友大力推介的餐廳，今晚一行四人book到坐tatami，好似去咗日本咁，好有氣氛。附近枱都係日本人，即刻對餐廳信心大增😆我哋首先叫左一打鐵盒焗蠔，再要個shabu shabu 跟6隻蠔，之後叫左明太子蛋卷，雞肉串，牛舌等等嘅小食。顧名思義係牡蠣小屋，佢啲生蠔真係好好味，鐵盒焗蠔係樓面由日本待應在我哋面前烹製，煮得剛剛好熟，飽滿有光澤，每一啖都充滿海鮮鹹鮮味，一定要趁熱食🤩必食的仲有明太子芝士蛋卷，濕潤香滑嘅雞蛋配上明太子，加埋芝士流心，超級惹味！Shabu shabu生蠔相對淡味，但作為總結都不過不失，飲啖暖湯，食個炊飯，開心完美嘅一餐。