千両 (港威商場)

營業中

休息中

鍾意黎呢間千両主要係因為唔駛點等位，所以我地都可以算係呢間餐廳常客。呢個季節，老公最鍾意食當造的秋刀魚。咁今次就叫咗2條，1條做刺身，1條鹽燒。因為本身條魚好肥美，所以我覺得刺身好食啲，可以食到條魚本身鮮味。另外仲叫咗北河道生蠔，隻蠔好大隻，仲大過手掌。個蠔係新鮮的，好creamy。但我鍾意爽蠔多啲。螺刺身都好新鮮。黎千両當然要叫手卷壽司啦，保持一貫水準。我地唔記得自攜清酒，咁就唯有order啦。店員將酒放响個有冰漏斗，非常細心。