南瀛水產

因為疫情之下冇得食晚市慶祝生日飯，唯有下午隨機挑選了一間日本餐廳，喺OpenRice見到評論都唔錯所以就來試吓，而且第一次用OpenRice嘅訂枱優惠仲有折扣。Book咗兩點，但係2:15才到，一入到去Reception就話啊要即刻落晒單喎，因為今日收三點，心裏面諗45分鐘都應該食得完個午餐。坐低睇餐牌，其實之前搭車時候已經有上OpenRice做咗少少功課，知道有一個蟹味增甲羅燒好似幾好食，之前喺日本食過一次類似嘅，所以馬上決定就點這道菜來嘗試一下。另外見到有個石頭鍋飯叫松葉蟹海膽釜飯都好似有網友推薦，所以亦都好快決定試一下這個菜式。咁就叫咗waitress來落單，沒料到一叫到松葉蟹海膽釜飯嘅時候，對方就話這個菜上咗之後都要等20分鐘先可以食㗎⋯⋯咁我同太太都有點覺得好似想趕我哋走咁，樣於是簡簡單單點左三道菜就諗住之後出去再食甜品啦。不過都上咗石頭返嘅時候個廚師出來幫手介紹咗一下石頭飯係要等20分鐘先至好食。另外佢幫我哋煮嗰個甲羅燒嘅時候，又相當風趣，咁我哋對這間餐廳度加返少許分數嘅。整體來說加上OpenRice嘅折扣咁都算幾抵食嘅。