影片
更多
2021-01-11
2646 瀏覽
老爺奶奶話上次佢哋兩個去港灣壹號飲茶時，見到枱與枱之間隔得好開。如果四個人都可以坐喺同一張台，不過中間有兩塊透明膠板隔住，感覺上都幾安全。因為好耐冇一家人一齊出去食午餐，所以今日終於出動喇。餐廳安排咗我哋四個坐一張平時應該係坐六人嘅枱。張枱中間放咗兩個透明膠板。我覺得我哋四個唔單只相隔1.5米，直頭隔2米添😂大家都保持非常安全嘅距離！不過有D攪笑係因為隔咁遠，有時聽唔清楚對方講乜嘢，要讀唇先溝通到😆仲有一樣搞笑係，當點心嚟到，例如：蝦餃4粒，要一邊枱先夾，然後再要企起身，伸手跨過透明膠板遞過去，或者好似玩傳波遊戲咁pass 俾隔離😂真係疫情之下先體驗到呢種飲茶方式！講返食物，每一樣都係即叫即做（因為有個小朋友霸住我個電話，所以影唔到點心嘅相）唔緊要啦，酒店水準係不用懷疑，全部都材料都好新鮮，味道都好好。➡️「山珍醬鵝肝和牛鬆炒飯」（$145/碗）山珍醬係用咗D菇類醃製嘅醬，食落有少少松露味，飯粒分明，有鑊氣。不過我食唔到鵝肝呢，扣少少分😅➡️「瑤柱蟹肉炆鴛鴦米」（$135/碗）蟹肉好鮮甜，唔會食到碎骨！Kester 有時如果食蟹肉食到碎骨，佢會即刻罷食。今次佢全部食晒，所以證明廚房手功唔錯
餐廳安排咗我哋四個坐一張平時應該係坐六人嘅枱。張枱中間放咗兩個透明膠板。我覺得我哋四個唔單只相隔1.5米，直頭隔2米添😂大家都保持非常安全嘅距離！不過有D攪笑係因為隔咁遠，有時聽唔清楚對方講乜嘢，要讀唇先溝通到😆仲有一樣搞笑係，當點心嚟到，例如：蝦餃4粒，要一邊枱先夾，然後再要企起身，伸手跨過透明膠板遞過去，或者好似玩傳波遊戲咁pass 俾隔離😂真係疫情之下先體驗到呢種飲茶方式！
講返食物，每一樣都係即叫即做（因為有個小朋友霸住我個電話，所以影唔到點心嘅相）唔緊要啦，酒店水準係不用懷疑，全部都材料都好新鮮，味道都好好。
➡️「山珍醬鵝肝和牛鬆炒飯」（$145/碗）
山珍醬係用咗D菇類醃製嘅醬，食落有少少松露味，飯粒分明，有鑊氣。不過我食唔到鵝肝呢，扣少少分😅
➡️「瑤柱蟹肉炆鴛鴦米」（$135/碗）
蟹肉好鮮甜，唔會食到碎骨！Kester 有時如果食蟹肉食到碎骨，佢會即刻罷食。今次佢全部食晒，所以證明廚房手功唔錯！鴛鴦米嘅粉絲煙煙靭靭，我好鍾意呀😊
➡️「龍蝦湯鮮蝦蟹肉灌湯餃」（$155）
隻灌湯餃脹卜卜，材料十足，而且個餃皮夠薄。龍蝦湯就一定唔係好似西式嘅lobster basque 咁濃，稀D，適合非重口味人士。
服務方面，所有waiter 都好有禮貌同態度專業。佢哋會時時幫忙斟茶同有時幫手遞點心添。只係有一位waiter, 當你叫佢時，佢會應你，但係語氣比較俗D，佢會話：「你等陣先！」我哋叫佢幾次，佢每次都係咁樣應我哋。我覺得佢如果話「請等一等！」或只係舉一舉手示意都會令人感覺舒服啲，話晒我哋唔係喺茶餐廳。另外，呢位waiter 仲有一D體味添😰我個人非常介意體味呢一方面，尤其係同飲食有關。每次佢幫我斟茶或換碟，我都要閉一閉氣。我覺得從事餐飲，要接觸客人嘅服務員都應該留意埋個人衛生問題，避免對客人用膳期間作出影響。
張貼