影片
更多
2019-07-16
1175 瀏覽
呢日有兩個老友生日我哋有成12人食自助餐應該會係最好選擇！而喱個自助餐仲有好多驚喜嘅限定菜式，食食吓聽到鈴聲記得快啲出去排隊好嘢嚟架！有只限星期五至日先有得食嘅大籠蒸龍躉！龍躉蒸到滑一滑又入味好好食。仲有萬里長城長又長嘅傳統英國菜威靈頓牛柳，酥皮入面夾住啲蘑菇、風乾火腿同牛柳，熟度都焗得唔錯食落香口好多！仲有大大鑊嘅巨型西班牙海鮮飯，有成廿八吋大嘅西班牙海鮮飯入面有唔同嘅海鮮，好似青口、鮮蝦魷魚同埋香辣嘅西班牙辣肉腸，食落去辣辣地幾好味。而家係相機食先嘅年代！影張相打個咭就有喱個迷你版瀑布蛋糕送喇！拎起蛋糕膠圈即有瀑布般傾瀉下來好鬼。
仲有萬里長城長又長嘅傳統英國菜威靈頓牛柳，酥皮入面夾住啲蘑菇、風乾火腿同牛柳，熟度都焗得唔錯食落香口好多！
仲有大大鑊嘅巨型西班牙海鮮飯，有成廿八吋大嘅西班牙海鮮飯入面有唔同嘅海鮮，好似青口、鮮蝦魷魚同埋香辣嘅西班牙辣肉腸，食落去辣辣地幾好味。
而家係相機食先嘅年代！影張相打個咭就有喱個迷你版瀑布蛋糕送喇！拎起蛋糕膠圈即有瀑布般傾瀉下來好鬼。
究竟喺邊道食到咪就係北角城市花園酒店嘅綠茵閣囉，自助餐四嚿水起有交易仲有長者優惠孝順嘅你識Do啦。
一入門口就係甜品位有好多細細件嘅小甜品、新鮮熱辣的即製班戟和雞蛋仔同10款Häagen-Dazs口味雪糕。
自助餐仲包埋紅、白餐酒、自家製的雞尾酒、啤酒、果汁、汽水、咖啡同茶，可以開懷暢飲。
跟住生果有菠蘿、鮮橙、西瓜，跟住有新鮮嘅沙律菜、中西式的現成冷盤同沙律啱晒減肥中嘅老婆大人！
凍海鮮有好多樣揀我就鍾意食長腳蟹喇！
刺身都幾新鮮有原粒帶子同原隻甜蝦、仲有我唔食得有紫菜嘅壽司同卷物！
熱食區有原條燒肉眼、芝士焗薯角、小甘筍、西蘭花、紅酒燴牛尾、炸魚、韓式炸雞、意式香草鮮魷釀飯、脆皮肥腸、炸荔芋盒、韮菜豬紅、北菇炆鴨掌同埋豉油雞啱晒我食。
仲有好野味嘅即蒸海蒜蓉粉絲蒸扇貝。
BBQ有菠蘿、大蝦、雞翼、羊架、三文魚骹好香口。
即淥粥粉麵有冬蔭公湯同雲吞湯可揀，仲有蝦仁、豬肉丸、肥牛、和各式蔬菜做餸、想飽肚D落埋瀨粉或河粉飽晒！仲有台式肉燥麵、皮蛋瘦肉粥、海鮮豆腐羹、甘筍忌廉湯唔使驚唔飽啦！
生日月嚟食自助餐仲有鮮果忌蛋糕送啊有人生日記得訂位時講明呀！
張貼
