發哥粥底海鮮火鍋 (已結業)

比我發現公司附近開了一間火鍋店，拉了個同事一齊食。這間餐廰早上是茶餐廰，晚上變了火鍋店。火鍋套餐大致250到300。先來一個姬松茸燉湯，好足料，而且好好飲，感覺唔到有味精。每一個餐預定一份海鮮盤，有龍蝦，海蟹，鮑魚，聖子皇，貴妃蚌，多寶魚，蜆，聽聞係老闆親自到街市選擇的，每樣都好新鮮，特別係聖子皇同貴妃蚌，大大條大大粒，海鮮的精髓隨著火鍋越滾越起勁，之後的粥底會更正。火鍋點少得安格斯牛肩肉，牛肉味濃濃，仲有西班牙豬腩片，薄薄的。還要介紹炸魚皮，又係老闆自己親身到店鋪買的，連骨炸，特別香脆，口感厚實。最後，落南瓜粟米，再滾一滾，熬出鮮味軟綿綿的粥。