大快活 (家維邨)

營業中

休息中

lunch 時間周圍都咁多人，咁唯有走去無咩客既大快活啦 ~ 又見有新出品，試吓啦 ~ 白汁雞皇意？白骨陰陽意？唉 ~ 都唔知食緊咩，麻麻地 ~白汁雞皇雞髀意粉，食落感覺係雞髀有雞髀煮、意粉有意粉煮、汁有汁煮，全部分開煮，最後意粉放底、雞髀放面，最後倒汁喇，會埋一齊囉。雞髀味似鹽水雞髀，又或係煲完湯啲湯渣雞，煮過龍，都幾鞋口又乾爭爭，無雞味。意粉煮得好好，嚥靭有趙口，又乾爽。白汁厚薄可以再好啲，依家比較杰左少少啦。自己撈完一輪之後，可以剛好包住啲意粉，都唔錯。最好食係伴碟既幾條菠菜囉，so sorry。如果汁同意粉同煮，雞髀改用雞扒或雞柳，效果會更好。