影片
更多
2020-11-09
278 瀏覽
放假日頭入咗西貢沙灘玩水，夜晚就去預先訂咗枱位於白沙灣嘅「食之劇場餐廳」。我同朋友好少去呢頭，所以一早搵定附近乜好嘢食😃。餐廳環境簡直係無敵，首先佢座落嘅地理位置無得輸，靠近遊艇碼頭🛥。第二餐廳始終偏離市區，閒日夜晚客人唔會太多，所以環境清幽，氣氛好好，可以享用一餐遠離繁囂、輕輕鬆鬆嘅晚餐。我哋坐喺吧枱位，餐枱比平日闊好多，坐得好舒服；而且更可以睇到師傅切魚整壽司嘅過程😊。餐廳整體乾淨衞生，我哋食得好安心。餐廳主要係做廚師發辦餐👨🏻🍳，餐牌列出有四款，包括雲Kumo Set ($900)、天Ten Set ($1,200)、星Hoshi Set ($1,400)以及廚師發辦Omakase Set ($1,200)。店員好好人，全程都超好禮貌👍，而且仲問我哋係咪Share食，如果係可以叫唔同嘅餐，咁就可以試多啲唔同食物，佢講得好有道理！因此我哋叫咗兩個唔同嘅餐，分別係「星Hoshi Set」以後「廚師發辦Omakase Set」；我會先介紹前者。星 Hoshi Set ($1,400)包括三款前菜、七款刺身、燒物、A4和牛壽喜燒、湯同甜品。先講前菜，兩個餐嘅都係一樣。佢嘅精美程度爭啲令
餐廳環境簡直係無敵，首先佢座落嘅地理位置無得輸，靠近遊艇碼頭🛥。第二餐廳始終偏離市區，閒日夜晚客人唔會太多，所以環境清幽，氣氛好好，可以享用一餐遠離繁囂、輕輕鬆鬆嘅晚餐。
我哋坐喺吧枱位，餐枱比平日闊好多，坐得好舒服；而且更可以睇到師傅切魚整壽司嘅過程😊。餐廳整體乾淨衞生，我哋食得好安心。
餐廳主要係做廚師發辦餐👨🏻🍳，餐牌列出有四款，包括雲Kumo Set ($900)、天Ten Set ($1,200)、星Hoshi Set ($1,400)以及廚師發辦Omakase Set ($1,200)。
店員好好人，全程都超好禮貌👍，而且仲問我哋係咪Share食，如果係可以叫唔同嘅餐，咁就可以試多啲唔同食物，佢講得好有道理！因此我哋叫咗兩個唔同嘅餐，分別係「星Hoshi Set」以後「廚師發辦Omakase Set」；我會先介紹前者。
星 Hoshi Set ($1,400)包括三款前菜、七款刺身、燒物、A4和牛壽喜燒、湯同甜品。先講前菜，兩個餐嘅都係一樣。佢嘅精美程度爭啲令我哋分唔到邊啲係食物、邊啲係裝飾🤣。前菜由右至左食起，分別係炸紫菜沙甸魚、水雲(即日本海草)同鹽燒銀杏，三款種類都好唔同，各有特色。
跟住係刺身🐟，除咗生蠔以外，其他幾款嘅魚肉同另一個套餐嘅唔一樣，而且刺身未必係得一人一片，就算得一片，都係厚切。雖然刺身唔係逐片逐片咁上，但師傅仍然會細心講解進食嘅次序同魚肉嘅特色。由深海池魚、黑鱸魚、金目鯛、油甘魚食到生蠔；我最鍾意金目鯛，因為紅色嘅魚皮有炙燒過🔥，特別香。
食完刺身就到燒物：🐷豚肉生薑燒，薑味幾重，但唔會嗆喉。豚肉好入味，所以好好食，而且仲有洋蔥絲，相當香口。
A4和牛壽喜燒
7 瀏覽
0 讚好
0 留言
A4和牛壽喜燒，呢個真係超級超級超級好食😋，好食過啲燒肉/鍋物專門店好多！A4和牛確係有入口即化嘅效果，🐂牛味濃郁，肉質好嫩。最重要係餐廳出手大方，牛肉有好多片，你知啦，就算再好食都好，份量少真係唔掂。
餐廳仲提供一隻溫泉蛋等你趁熱是加入攪拌🥚。
鍋物新鮮滾熱辣，湯頭甜甜哋，吸收咗牛肉嘅精華更加好味。牛肉以外，鍋入面仲有唔少蔬菜🥦。食壽喜燒其中一樣重要嘅嘢就係白飯，因為肉搭飯係絕配🍚，米飯亦都煮得恰到好處。店員好細心，知我哋Share食，專登裝兩碗飯俾我哋，唔駛自己分嚟分去。
湯品係豚肉牛蒡湯，牛蒡味道濃烈，但鍾唔鍾意浸味就見仁見智，我自己就OK👌。
甜品亦係兩個餐一樣，有蘋果溝日本煎茶口味啫喱同紅豆蕨餅，前者味道非常清新，真係食得出🍎蘋果味同茶香🍵，又唔會太甜，唔錯。而後者就正正常常，冇乜特別。
接住落嚟，我會介紹廚師發辦Omakase Set ($1,200)，套餐包括三款前菜、五款刺身、炸物、五件壽司、湯同甜品。刺身有伊佐木魚、中拖羅同生蠔。拖羅油脂滿滿，滋味無窮😍。
生蠔嘅品種來自岩手縣，又名「令和怪物」，🦪蠔身相當大隻同飽滿，師傅落咗少少醬汁調味，令生蠔變得易入口。利申唔好食生蠔嘅我都覺得幾好。
炸天婦羅
5 瀏覽
0 讚好
0 留言
炸物係炸天婦羅🍤，有三件，包括秋葵、茄子同由櫻花蝦、粟米、洋蔥同蘿蔔組成嘅炸餅。後者當然係最出色，口味豐富，特別係因為加咗粟米。天婦羅炸漿夠薄，外皮夠脆。
透明豉油
12 瀏覽
0 讚好
0 留言
1️⃣帶子
2️⃣牡丹蝦
3️⃣金線鯛
4️⃣中拖羅
5️⃣北海道根室海膽
蜆清湯
17 瀏覽
0 讚好
0 留言
餐廳用嘅水亦係非常講究，無論畀我哋飲定係用嚟煮食都係用上「白神山水」，店員介紹依款水對食材同埋健康都係好嘅🙏🏻。
題外話，只要喺優惠期內Like同埋Share佢哋嘅社交平台，就可以享有85折✨，都慳返唔少，嘻嘻。
餐廳除咗吧枱座位外，仲有包廂房間，私隱度高，適合家庭或朋友聚會👨👩👦👦。
總括嚟講，餐廳各方面都好出色，冇乜可以令人挑剔嘅地方💯。食得Omakase當然唔會平得去邊，但我認為呢度真係值得幫襯，餐廳無論魚生定熟食都咁好食，食材又高質。整體用餐體驗舒服過旺區嘅料理店好多，加埋呢個環境，絕對係同朋友或伴侶慶祝生日嘅好地方。
張貼
