影片
更多
2015-07-19
9086 瀏覽
原先沒有打算到這裡食雞煲打邊鍋，因為朋友中有人忽然想食雞煲，而鍋居既老闆又說可以為我們私下做一次四川麻辣雞煲，故改了地點到這點食雞煲打邊鍋，亦有意想不到的驚喜。事先聲明︰鍋居暫時沒有四川麻辣雞煲出售，能做白老鼠是托朋友的鴻福，因其同此店老闆熟絡，故老闆私下為我地做了四川麻辣雞煲。至於街外人幾時有得點叫，呢個係個「謎」！ 鍋居真係好多人，如果沒有訂枱，到達後也不知道要等多久才可以進場。店員亦非常之細心，要把枱抹得乾乾淨淨，把地下掃得企企理理先至讓客人入座，完全值得一贊。入座後，枱上已放上八種不同配料給客人混醬，不用行來行去、拎來拎去。由於我地已事先點叫了雞煲，故坐下後點了鍋居自家煲「雪梨茶」。「雪梨茶」用料非常十足，而宜清甜不膩，對於接下來既雞煲起了十分好的中和作用。等了一會，主角出場，秘製「四川麻辣雞煲」，材料由老闆親自採購和揀選，非常有 HEART。最值得一贊後，當個雞煲到來後，師傅提店員用幾多度火焗2分鐘後就最完美可以進食，而店員亦非常認真的拿出手機倒數2分鐘後開蓋幫我地撈埋。鍋居既秘密「四川麻辣雞煲」比起外面的雞煲有點不同，外邊的大多是得個「辣」字，而沒有「麻」的感覺。呢到個雞
事先聲明︰鍋居暫時沒有四川麻辣雞煲出售，能做白老鼠是托朋友的鴻福，因其同此店老闆熟絡，故老闆私下為我地做了四川麻辣雞煲。至於街外人幾時有得點叫，呢個係個「謎」！
鍋居真係好多人，如果沒有訂枱，到達後也不知道要等多久才可以進場。店員亦非常之細心，要把枱抹得乾乾淨淨，把地下掃得企企理理先至讓客人入座，完全值得一贊。
入座後，枱上已放上八種不同配料給客人混醬，不用行來行去、拎來拎去。由於我地已事先點叫了雞煲，故坐下後點了鍋居自家煲「雪梨茶」。「雪梨茶」用料非常十足，而宜清甜不膩，對於接下來既雞煲起了十分好的中和作用。
等了一會，主角出場，秘製「四川麻辣雞煲」，材料由老闆親自採購和揀選，非常有 HEART。最值得一贊後，當個雞煲到來後，師傅提店員用幾多度火焗2分鐘後就最完美可以進食，而店員亦非常認真的拿出手機倒數2分鐘後開蓋幫我地撈埋。
鍋居既秘密「四川麻辣雞煲」比起外面的雞煲有點不同，外邊的大多是得個「辣」字，而沒有「麻」的感覺。呢到個雞煲，食落時熱辣辣的感覺不錯，當咽下後，有一種麻辣的感覺從喉嚨處慢慢滲出，而且維持了好一段時間，非常之正。其他配菜，洋葱及芫茜係撈混後非常野味。
食完雞煲後，轉了另一個湯底「蕃茄鳳梨牛仔骨」(唔好意思沒有影相)，用料十足，超多蕃茄同鳳梨、牛腩及牛仔骨肉，加埋師傅秘製膏醬，淨飲時覺得超級清甜。如果只是飲呢煲湯不加其他食材，應該可以食飽兩個人。而呢個「蕃茄鳳梨牛仔骨」，亦係鍋居最受歡迎湯底之一。
除了新湯底外，亦點叫了「美國頂級肥牛」，份量十足，熱湯焯數秒便可進食，嫩口兼多肉汁；最重要是一大盤，四個人食的話，每個人也最少有五六片可以食到。
由於雞煲已經令我地差不多飽了六七成，故我地亦只係另外再叫多一個筒蠔同響鈴。筒蠔雖然只有五隻咁大把，但係好大隻及新鮮，廚房亦清洗得好乾淨沒有多餘的異味，食落鮮甜美味。
至於響鈴，鍋居的也比其他火鍋店大了一至兩個碼子，而且亦炸得很好，沒有一放下熱湯後就散開的情況；一個不錯的選擇。
其實之後地還點了粟米和芫茜淨食，唔好以為芫茜好重口味，呢到既芫茜亦很清甜，配上「蕃茄鳳梨牛仔骨」，食落沒有太重口味的感覺。
鍋居自家煲雪梨茶
87 瀏覽
0 讚好
0 留言
四川麻辣雞煲
86 瀏覽
3 讚好
0 留言
美國頂級肥牛
167 瀏覽
1 讚好
0 留言
筒蠔
97 瀏覽
0 讚好
0 留言
響鈴
168 瀏覽
1 讚好
0 留言
響鈴
83 瀏覽
0 讚好
0 留言
題外話/補充資料：
1. 如果店員落單時見到沒有該食品供應，會即時提醒客人點叫其他，不會下單後不來才通知。＿
2. 簽卡時店員刪去TIPS果部份，想俾TIPS贊他們服務好也不行。
(以上食評乃用戶個人意見 , 並不代表OpenRice之觀點。)
張貼
