集眾菜館

營業中

休息中

我真係非常欣賞呢間小炒店嘅白胡椒煎魚鰾，佢呢度嘅魚鰾半煎半焗嘅煮法令到魚標本身外脆內軟，講緊嘅外脆唔係好似椒鹽九肚魚炸到卜卜脆嗰種，而係煎到燶燶地，保留到魚標本身煙煙韌韌嘅口感之餘，亦因為嗰少少嘅燶燶地因而等你食嘅時候有嗰種輕微脆口嘅口感。魚標本身係有少少腥味嘅，不過就係佢用咗白胡椒做主要配料，所以就可以完美咁樣闢走咗啲腥味。呢個菜式係用鐵板上菜，保留到個溫度，同時亦可以減少魚腥味，另外芹菜蒜仔呢啲配料亦都因為佢用鐵板上嘅緣故所以份外香。另一樣呢度正嘅嘢就係呢隻德國麥啤，有小麥嘅香味但係又冇苦味，都幾易入口，其他地方好似比較少見啲。