百份百餐廳 (元州街) (已結業)

成班同事收工，想找個地方食下午茶，放低架車見附近這間都裝修得幾企理，入去試一下，下午茶選擇相當多，而且價位在這區都算中高價，但竟然都人頭湧湧，應該唔會中伏掛？內裡裝修得都算幾型格，而且相隔得都算闊落，起碼唔會背貼背手挽手。門口仲有得買麵包，而且相頭都幾吸引，價錢亦合理，忍唔住買左個，三重芝士包：面層有焗得脆囗的芝士，而內涵亦有乳狀的芝士，香味很夠，麵包口感鬆軟煙韌。幾過癮。加上脆脆的芝士面，真係有三重口感。10蚊抵俾。下午茶再叫個乾炒豬扒公仔麵：豬扒份量多，抵食，亦不會太柴，公仔麵炒得夠乾身，而且加上香菇，不錯，味道適中，不會太咸，可惜份量少左ｄ，好彩食多左個包，唔係我呢ｄ大漢就唔多夠飽。