上海香港麵家

營業中

休息中

細細個已經成日同阿媽嚟食呢度嘅粢飯。見住啲姐姐新鮮滾熱辣咁包到大大個，真係能勾起我條為食根。今日就帶咗老公過嚟同拾我童年回憶喇。當然第一時間我就叫咗個粢飯啦。一如以往，熱辣辣、大大舊，好多肉鬆而且條油炸鬼都脆脆地嘅。同老公一人一半，兩啖就食晒！之後叫咗我第二最愛嘅生煎包。佢地生煎包係煎得幾香，包身亦軟綿綿，唯獨無乜肉汁，食落有啲啲dry。最後叫咗個上海年糕，呢個個味唔錯，不過真係食完成日油，同埋個年糕可以再煙軔啲！整體我覺得唔錯，keep住水準，不過真係越嚟越貴呢！我會比7/10呢間老店！