影片
更多
2015-09-05
1160 瀏覽
係唔知點解咁鍾意黎呢間食飯，每隔一段時間有朋友問去Soho邊度食飯好，只要係我未同佢去過嘅group, 我都會提議佢地黎呢間 Bistronomique我諗最主要嘅其中一個重要原因，就係呢度嘅環境非常舒適，有兩層。如果鍾意開揚嘅就坐想街境，如果鍾意有私隱嘅, 又可以選擇唔落下底地庫果層。每張枱都有個小蠟燭，情調浪漫。另外就係呢度嘅嘢食，每道菜都服出奇地好食而且選擇好多，每一次無論揀海鮮沙律定係肉扒，都有唔同嘅驚喜。之前我好鍾意食呢度嘅大魚。今次同一個鍾意食肉嘅朋友黎所以今次主攻肉類。係睇Menu嘅時候，當然先來一杯白酒配合佢呢度暖笠笠嘅麵包。呢度嘅House無論係紅酒白酒我都飲過，質素唔錯。另外呢度嘅上菜節奏唔急，可以好休閑咁享受美食。無論幾鍾意食肉都好啦，前菜都係要黎一啲蔬菜先至夠健康。呢度出名個海鮮，當然又心郁郁，又點可以少左海產既美食呢？所以頭盤我哋先來四色番茄同蟹肉牛油果。Heirloom Tomato salad HK 88呢個生女係用四種唔同顏色嘅新鮮蕃茄做嘅，分別有綠色, 黃色, 紅色同紫色。平時我哋食蕃茄多數都係食紅色嘅，要一次過食齊咁多隻色，都唔知去邊度買, 一啲都唔
我諗最主要嘅其中一個重要原因，就係呢度嘅環境非常舒適，有兩層。如果鍾意開揚嘅就坐想街境，如果鍾意有私隱嘅, 又可以選擇唔落下底地庫果層。
每張枱都有個小蠟燭，情調浪漫。
另外就係呢度嘅嘢食，每道菜都服出奇地好食而且選擇好多，每一次無論揀海鮮沙律定係肉扒，都有唔同嘅驚喜。之前我好鍾意食呢度嘅大魚。今次同一個鍾意食肉嘅朋友黎所以今次主攻肉類。
係睇Menu嘅時候，當然先來一杯白酒配合佢呢度暖笠笠嘅麵包。
呢度嘅House無論係紅酒白酒我都飲過，質素唔錯。
另外呢度嘅上菜節奏唔急，可以好休閑咁享受美食。無論幾鍾意食肉都好啦，前菜都係要黎一啲蔬菜先至夠健康。
呢度出名個海鮮，當然又心郁郁，又點可以少左海產既美食呢？
所以頭盤我哋先來四色番茄同蟹肉牛油果。
Heirloom Tomato salad HK 88
呢個生女係用四種唔同顏色嘅新鮮蕃茄做嘅，分別有綠色, 黃色, 紅色同紫色。平時我哋食蕃茄多數都係食紅色嘅，要一次過食齊咁多隻色，都唔知去邊度買, 一啲都唔容易，想食不如直接來呢度食！果底汁係用橄欖油加黑醋，簡單而又原汁原味。唔知係唔係番茄太甜，個黑醋汁都唔係平時食開嗰種酸味過重既口味，混入微甜既果酸，非常開胃。好 fresh !
Avocado crab Tian HK138
蟹肉牛油果嘅做法一啲都唔簡單，上碟已聞到蟹肉既鮮味撲鼻，非常強烈。蟹肉大小不一，大廚應該係用新鮮蟹肉拆殻而成，用咗切粒既牛油果鋪在蟹肉之下，兩隻都係屬於清新口味嘅, 所以好夾
牛油果用咗比較成熟嘅, 所以質感柔軟。紅色嘅汁係用鮮蕃茄打溶而成，無渣物，食落去就好似係啱啱係樹上熟成既番茄一樣，清新可口成個菜既感覺就係非常之 Fresh, 非常驚喜，三種素材，各有千秋卻完美配合。
U.S. Lamb T-Bone HK 268
今日主菜選擇咗 T-Bone 羊肉，呢個羊肉只做到三四成熟，切落去嘅時候，除了煎香嘅外層，裏面係仲係紅紅嘅鮮肉。
儘量生少少食 T- Bone 羊肉嘅原因，係天然生長既羊，保留左羊肉獨特既羊腥味，肉腥味係新鮮引人入勝嘅。初初未習慣食得比牛肉仲生，但係食多兩啖，已經為呢種羊味而著迷。有機會來呢度一定要試。記得唔好要求熟過五成，太熟就反而浪費咗了。
Desert
呢度嘅拿破崙都係做得好好食, 鬆軟嘅外層加上吉士忌廉嘅順滑，令今晚 Dinner 畫上一個完美嘅句號。張貼
