大和堂咖啡店

營業中

休息中

上星期下午落咗九龍城食晏，可能係平日嘅關係，難得大和堂咖啡店唔使等位就可以入座。大和堂咖啡店前身係開業八十幾年嘅大和堂參茸藥行，喺九龍城長大的年輕店長唔忍心老店就此消失，所以將結業嘅老中藥行改裝成咖啡店，仲保留返大部分原有嘅裝飾，例如牌匾、百子櫃、等等、令咖啡店更有特色風格。大和堂鮮奶咖啡店舖將伯爵茶同鮮奶咖啡融合，再加入蜜糖點綴。茶香非常，亦可以喺茶香中品嘗到淡淡咖啡味，味道算係唔錯，絕對值得一試。不過我個人就略嫌伯爵茶味蓋過咗咖啡味。麻辣蛋M5和牛漢堡味道好好，麻辣得嚟又唔會話好強，中間嘅和牛漢堡亦非常juicy。跟隨漢堡嘅有炸到脆卜卜嘅薯堡，點上一樣麻辣嘅醬汁，非常惹味。