前家樂餐廳火鍋店 (已結業)

點樣先算溫馨，梗係一家人食溫馨椰子雞煲。椰香椰奶味好濃厚，白雪雪的每一舊雞，雖然有椰簡味但雞味都好重。雞的肉質比較結實，雞皮好滑。但食這個煲不可以忽略配菜，所有配菜都已經入曬椰汁味！一家人一齊食飯，真係唔可以係咁講嘢，如果唔係連食都冇得你食。食晒啲雞之後，椰汁用嚟點炸魚皮和煮烏冬都是不錯的選擇。甜蜜芝士牛奶雞煲，好多芝士呀！每一舊雞都好多芝士，好有感覺食緊韓式雞！我就唔係好食到有甜蜜嘅味道，但絕對係纏綿！窩心醉雞煲，一打開煲蓋就聞到好重酒味，直情差啲暈低！食落口都係勁多酒味！如果唔想咁重酒味記得打開個煲蓋，開火慢慢煲等啲酒味慢慢蒸發。冬天食醉雞煲簡直一流，食完包你一身暖。幸福麻辣雞煲，BB辣都已經好難，絕對係其他鋪頭既中辣以上。因為可能我唔係好食得辣嘅關係，我感覺唔到幸福的麻辣。