影片
更多
2024-09-16
115 瀏覽
餐廳位於荔枝角道，地鐵一出行五分鐘就到。當日叫左個兩人餐（$138），套餐有一碟菜、一個小食，一個湯麵一個飯同埋兩支嘢飲，加$29仲可以將個飯升級做夢王蛋和牛丼，緊係即刻試啦。碟菜就加咗錢轉瑤柱湯蘿蔔，蘿蔔清甜冇渣，大大嚿好食。鮑汁花膠冬菇撈米線，花膠同冬菇都炆得幾淋，略嫌醬汁唔夠杰身掛上米線，屋企既味道，食落好舒服。夢王蛋和牛飯，食夢王蛋緊係叫太陽蛋，煎到燶邊邊位好脆，蛋汁好夠撈飯，和牛切薄片輕輕燒熟帶點點粉紅色，而且有成六、七片，呢個價錢黎講，和牛份量好慷慨。蛋汁加上和牛既油再加小小甜豉油撈飯，味道無得輸啦。小食仲嗌香茅炸雞翼，同埋炸物雙拼，香茅雞翼醃得幾入味加上炸得好酥脆，炸物就正正常常，個人推薦雞翼多啲。食到咁熱氣餐廳有涼茶供應跟餐唔使加錢，食多兩隻雞翼都唔驚生暗瘡
當日叫左個兩人餐（$138），套餐有一碟菜、一個小食，一個湯麵一個飯同埋兩支嘢飲，加$29仲可以將個飯升級做夢王蛋和牛丼，緊係即刻試啦。
碟菜就加咗錢轉瑤柱湯蘿蔔，蘿蔔清甜冇渣，大大嚿好食。
鮑汁花膠冬菇撈米線，花膠同冬菇都炆得幾淋，略嫌醬汁唔夠杰身掛上米線，屋企既味道，食落好舒服。
夢王蛋和牛飯，食夢王蛋緊係叫太陽蛋，煎到燶邊邊位好脆，蛋汁好夠撈飯，和牛切薄片輕輕燒熟帶點點粉紅色，而且有成六、七片，呢個價錢黎講，和牛份量好慷慨。蛋汁加上和牛既油再加小小甜豉油撈飯，味道無得輸啦。
小食仲嗌香茅炸雞翼，同埋炸物雙拼，香茅雞翼醃得幾入味加上炸得好酥脆，炸物就正正常常，個人推薦雞翼多啲。
食到咁熱氣餐廳有涼茶供應跟餐唔使加錢，食多兩隻雞翼都唔驚生暗瘡
張貼
