餃掂手工餃子雲吞專門店

上次試過上環分店，今次去埋中環分店，兩點幾時間入去，仲係好多人幫襯，都要等咗一陣先可以入去，每日新鮮手工包製， 皮薄餡多，湯餃煎餃任君選擇!至尊松茸餃 $80餡料除了矜貴的雲南野生松茸外，還有脢頭肉，餃皮算薄，松茸的獨特香味挺突出，配上狀元九鼎湯:鯪魚、鰂魚、紅蘿蔔、扁豆、赤小豆、新會陳皮、蜜棗、鮮排骨， 材料豐富，適合現在天氣， 清熱去濕香煎軟心芝士餃 $58咬一半就會見到裡面加左芝士溶左係餃子裡面，加上清甜爽脆粟米元貝豬肉餃 $55元貝味突出，微微海鮮味道跟豬肉混為一體，感覺新鮮四川涼皮 $33木薯粉製成的涼皮晶瑩透亮，煙煙韌韌，味道酸辣開胃山楂雪梨水 $20酸酸甜甜，潤肺除煩、健脾益胃