明興石磨腸粉

營業中

休息中

近排好hit潮州石磨腸粉，之前下午黎都close左，所以今次一早黎試下。推介：招牌腸粉$20，有肉碎、蛋、生菜、蔥、菜脯，多款材料都好大份，腸粉皮薄好滑，配佢地自家秘製醬汁，辣醬同炸蒜真係好正，值得一試。力推：窩蛋鮮豬潤腸粉$28，老闆娘每朝去拎新鮮既牛肉同豬潤。完全冇so味又冇益味，仲要係腸粉上加一隻蛋，用筷子輕輕一推，蛋汁即刻流出，同酒樓既蒸腸粉有不同，如不愛流心蛋，可以要熟蛋/走蛋。當日10點左右到達，我地逗留1個鐘左右見佢地完全冇停過手。聽老闆娘講4點返鋪頭磨米，煮醬，所以米槳用完就停售家嘞，平日大約一點半前賣哂，星期六日試過12點半賣哂了。