富港海鮮酒家

營業中

休息中

初二開年訂左個6人盆菜，880蚊但要自己攞，住附近我無問題啦。準時有貨攞，個盆菜裝響紙箱，但距地無用膠紙封紙箱底，只係互扣果種設計，攞時都有d擔心，唯有用手護住。個盆菜外觀正正常常啦，摸到暖暖地，應該係整起無幾耐，唔係早幾日整好雪到死死果種。煮返熱，味道好好，老媽話鵝掌火喉剛剛好，起到膠又唔會爛，燒鴨同d雞好有彈性，真係唔係一早做好又雪返死果種貨。鮑魚d貴野正正常常啦，而且底料都好正，唔係用豬皮，而係用砂爆魚肚，無話下面d野睇唔到就求求其其。一盆分量好足。兩餐都食唔晒。