影片
更多
2011-10-19
3705 瀏覽
家中多位長輩訪港，親友特訂只招待會員o既中華總商會設宴聚舊，ＸＯ有幸地以晚輩o既身份一同參與。中華總商會會員俱樂部原來有好幾層。雖然感覺舊式左少少，不過會所好有系統地喺大堂升降機旁個牌上寫上邊位會員喺邊層訂左位，方便賓客對名撳「車立」。俱樂部裝修非常得體，一Ｄ都唔俗氣；地方整潔闊落，光線充足，冷氣又夠，非常舒適。侍應們年紀全部比我大，但每一個都好細心有禮。唔知係咪依度Ｄ會員好鍾意飲酒o既呢，佢地斟酒速度比出面其他食肆有效率，客人o既酒杯永遠唔會吉，而且唔需要出動主人家親自加酒比客人。當晚大部份食物都分好哂，食完每一碟都會有機會添，換碟自動波，不時重有濕毛巾侍候，食到好似大爺咁，根本上冇乜機會可以污糟。 腿片竹笙燉鮑翅：睇相都知道鮑翅份量十足，主人家真係客氣。湯底火候夠，清得黎味道香濃，竹苼爽口，冇得彈呀！ 雙冬扣山瑞：ＸＯ咁大個仔都係第一次食山瑞，質感好腍滑，味道好似用鮑汁煮咁，好啱我口味。聽長輩們講，山瑞好補，而且當晚見佢地勁讚個山瑞做得好好，膠得黎唔會漿住個口，所以小弟食得更加放肆！不過食完先知道原來山瑞係龜o既親戚。 芥膽柚皮扣鵝掌：鵝掌腍滑，柚皮唔苦，兩樣都咁入味。 潮州凍蟹：
中華總商會會員俱樂部原來有好幾層。雖然感覺舊式左少少，不過會所好有系統地喺大堂升降機旁個牌上寫上邊位會員喺邊層訂左位，方便賓客對名撳「車立」。俱樂部裝修非常得體，一Ｄ都唔俗氣；地方整潔闊落，光線充足，冷氣又夠，非常舒適。
侍應們年紀全部比我大，但每一個都好細心有禮。唔知係咪依度Ｄ會員好鍾意飲酒o既呢，佢地斟酒速度比出面其他食肆有效率，客人o既酒杯永遠唔會吉，而且唔需要出動主人家親自加酒比客人。當晚大部份食物都分好哂，食完每一碟都會有機會添，換碟自動波，不時重有濕毛巾侍候，食到好似大爺咁，根本上冇乜機會可以污糟。
腿片竹笙燉鮑翅：睇相都知道鮑翅份量十足，主人家真係客氣。湯底火候夠，清得黎味道香濃，竹苼爽口，冇得彈呀！
雙冬扣山瑞：ＸＯ咁大個仔都係第一次食山瑞，質感好腍滑，味道好似用鮑汁煮咁，好啱我口味。聽長輩們講，山瑞好補，而且當晚見佢地勁讚個山瑞做得好好，膠得黎唔會漿住個口，所以小弟食得更加放肆！不過食完先知道原來山瑞係龜o既親戚。
芥膽柚皮扣鵝掌：鵝掌腍滑，柚皮唔苦，兩樣都咁入味。
潮州凍蟹：雖然XO唔食蟹，不過都收集倒精簡o既評語：「蟹肉鮮嫩，味道清甜；同出面潮州菜館比，可以話有過之而無不及。」
炆大芥菜煲：對蔬菜認識唔夠深，唔係好識評，不過食後感想係好腍，同唔算苦。
古法鹽焗雞連什：只食雞胸肉o既小肥可以証實雞肉一Ｄ都唔乾唔嚡，而且好有雞味！最正係個香脆o既雞皮，被媽咪嫌棄嗰Ｄ，我同爸爸都當係寶咁幫佢清哂！食雞連什，ＸＯ第一個去食冇乜人掂o既腸，爽口又入味，簡直係極品！
鮮荷葉飯：由於ＸＯ太出力食山瑞，所以單尾只可以選擇食麵而放棄荷葉飯。不過同桌愛吃飯o既姨媽極度讚賞地話荷葉香味滲透入飯，飯粒夠乾身，材料好新鮮！（就喺依個時候，大廚突然出現，大家都不禁拍手，讚許當晚出色o既餸菜。）
鮑汁薑蔥撈粗麵：其他餸菜實在太溜，所以依款冇乜料o既單尾真係好合適。薑蔥香口，鮑汁索左入麵嗰度，客人可以喺少料o既情況下張注意力放喺半乾身而又彈牙o既麵條上。另外，粗麵撈左鮑汁都唔會一pat pat，好手勢！
香滑煎堆仔：外表可能冇煙，但係大家一定要小心辣親條脷呀！第一層外皮鬆脆，第二層麵粉夠煙韌，最中間嗰層芝麻夠流心，味道質感可以話係餸如其名，香甜滑溜！不過最值得誇獎o既係個煎堆可以做到咁乾身，唔油膩；冇誇張架，唔需要借助吸油紙，碟上都絕無油積！
唔洗小肥出錢，就可以食倒咁名貴而又少機會接觸到o既食物，真係感激愛錫ＸＯ仔o既親友們！
張貼
