叁不館

營業中

休息中

香港人鍾意打邊爐就出晒名，一連四季都可以是火鍋天🤣，今次同朋友黎到天后呢邊，諗唔到食乜又打邊爐啦😂😂。搵到一間樓上火鍋店，幾有香港風情，有大排檔的感覺，有摺枱、木凳、仲有以竹筲箕做層架，好別緻，充滿香港情懷，連點餸紙亦用心設計，好有gimmick👍🏻一去到揀湯底，湯底好多都好有特色，例如醉雞湯底、椰青雞湯底，支竹豆腐魚頭湯、胡椒豬肚湯湯底等，都好有特色，我地最終揀咗—🥢今晚卜卜蜆鍋湯底是豬骨湯底，有少許胡椒味，再加埋卜卜蜆，好鮮甜，卜卜蜆的份量非常多，撈極都仲有，新鮮，非常鮮甜。🥢手切封門柳我最愛牛的部位—封門柳，唔會太肥，肉味濃郁，又軟腍，每次打邊爐都會叫呢款牛，這裏以手切就更加有口感😋，而且份量都頗多，牛魔王一定滿足！🥢蟶子蟶子新鮮大隻，啖啖肉又鮮甜，店員有窩心地提醒只淥1-2 分鐘，時間真是剛剛好，夠熟又嫩。🥢手打五寶丸（豬肉丸、 鯪魚丸、牛丸、墨魚丸、蝦丸）各2 粒好豐富的五寶丸，每款有2粒剛剛好，每款都好彈牙，食得出是手打，牛丸有濃濃的牛肉味，最驚喜是鯪魚丸，鯪魚肉味道一啲都唔腥，食得出魚肉的鮮味，而且口感好爽口彈牙，平時係街好少有👍🏻😋🥢冰豆腐 冰豆腐好香豆腐味，吸晒啲湯汁