影片
更多
2018-08-12
1433 瀏覽
還記得上次來這間車仔麵店是因為參加了Openrice的聖誕曲奇班，在上堂之前醫醫肚，而今次再到訪也是參加了整餅班，但就無咁好彩是Openrice舉辦的免費班 (期待Openrice再次舉行)。同樣要在上堂前吃飽飽才有力氣動手做，哈！車仔麵店裝潢大致上一樣，又紅又亮的門面，好搶眼！門口貼了很多報導，走進內裏還差不多全場爆滿，看來很受歡迎。地方保持整齊企理，有三張舒適闊落的卡座，另一邊有幾張二人枱和單人座，而中間則有三張六人枱配無背椅子，雖無咁舒服，但勝在慳位，出入放便。看看貼在牆上的餐牌，先在九款麵底中挑選，還可選大小份量，對惜食的我倆實在太適合，不用浪費。至於配料就多得令人眼花撩亂，仲有些新品上場，當然少不了幾款淨餸添和飲品。******************************採用半自助形式，客人在門口收銀處下單後，然後等叫號碼領取，而凍飲就自行在凍櫃取。我今日較大食，點了一碗六餸細粗麵 （$64），而友人就要五餸細伊麵（$61），同樣辣醬另上，再加一碟淨生菜共享及兩支凍公和豆漿。不用久等就叫到我們的籌號，的確快靚正。嘩! 雖已選了細份量，但都滿滿一大碗，而每款餸料都有三至五件
車仔麵店裝潢大致上一樣，又紅又亮的門面，好搶眼！門口貼了很多報導，走進內裏還差不多全場爆滿，看來很受歡迎。
地方保持整齊企理，有三張舒適闊落的卡座，另一邊有幾張二人枱和單人座，而中間則有三張六人枱配無背椅子，雖無咁舒服，但勝在慳位，出入放便。
看看貼在牆上的餐牌，先在九款麵底中挑選，還可選大小份量，對惜食的我倆實在太適合，不用浪費。至於配料就多得令人眼花撩亂，仲有些新品上場，當然少不了幾款淨餸添和飲品。******************************
採用半自助形式，客人在門口收銀處下單後，然後等叫號碼領取，而凍飲就自行在凍櫃取。我今日較大食，點了一碗六餸細粗麵 （$64），而友人就要五餸細伊麵（$61），同樣辣醬另上，再加一碟淨生菜共享及兩支凍公和豆漿。不用久等就叫到我們的籌號，的確快靚正。
六餸細粗麵
$64
32 瀏覽
0 讚好
0 留言
嘩! 雖已選了細份量，但都滿滿一大碗，而每款餸料都有三至五件，份量都幾足。粗麵($8/細)煮得剛好，唔會太腍，有咬口，較喜歡舀一羹腩汁 放上麵條，再加少許秘製辣醬，大啖吃，最滋味！雖只加上少許辣醬，但別看輕它呀！先甜後辣，越食越火辣，越食越惹味，愛辣者必定吃得好滋味。
我揀了那六款餸呢？有炸魚豆腐（$10）和炸干貝燒（$10），兩者都色澤金黃，炸魚豆腐 幾彈牙；炸干貝燒 外形似獅子狗，咬開就似蟹柳，味道亦幾似蟹柳，有趣！
還有切成一片一片的冬菇（$8），雖非原隻上枱，但都幾厚身，份量亦不少。滿有菇香兼爽口，不錯! 韭菜（$8）份量也不少，條條翠綠爽嫩，富獨有的香味，好吃！
但最喜歡是蘿蔔（$8)，件件厚切，腍嫩無渣，多汁清甜，是我個人推介之一。而另一推介就是煎魚餅（$12），煎至表面帶些焦香，不腥不油，而且幾彈牙，亦有魚香，美味！******************************
五餸伊麵
$61
20 瀏覽
0 讚好
0 留言
友人所揀的五餸有牛丸（$10）、魚蛋（$9）、釀豆卜（$10）、牛腩（$11）和豬手（$11）配細伊麵底（$10），同樣滿滿一大碗，好豐富！他最讚是豬手，又腍又入味，塊豬皮好滑嘟嘟，富有膠質，正！而伊麵亦煮得剛好，索晒腩汁，但又唔會太腍身，不錯！
我就試咗件脹卜卜的釀豆卜，豆卜 索了湯汁，既有豆香之餘亦很入味，中間還釀了些蝦膠，花工夫之作，亦更添美味，的確推介配料之一。還試多件牛筋腩，肉質夾少許肥膏，挺腍嫩；牛筋 則好黏滑，富有膠質，兩者都味道香濃，弄得入味。******************************
生菜
$14
17 瀏覽
0 讚好
0 留言
在淨餸中揀了一份生菜（$14），配上腩汁。灼的時間合宜，每條生菜 都好翠綠，亦保持爽脆的口感，鮮嫩無渣，又不油不鹹喜歡!******************************
凍公和豆漿
$10
25 瀏覽
0 讚好
0 留言
我倆都揀原支凍公和豆漿（$10）入口冰涼，甜度適中，亦好有豆香，一支有500ml，咁大支，真係又抵飲又好飲。------------------------------
雖然不是經常吃車仔麵，但每次吃都好滿足，看着多款唔太貴的配料，不禁盡情點，唔覺唔覺點到滿滿一大碗，看着它就好滿足！你有同感嗎？
張貼
