韓流村 (已結業)

星期六唔駛返工嘅日子，同朋友去到尖沙咀食午飯，品嚐一下具質素嘅韓國菜。先叫左一道醬油海鮮拼盤。經過醃制的醬油蝦質感結實，啖啖爽口嘅蝦肉令人滿足。而醬油鮑魚味道同樣滋味，醬油無奪去鮑魚嘅鮮味，而且極具彈牙嘅口感，朋友個個都讚好。而醬油蟹更加係我地所期待，濃濃嘅蟹黃加添紫菜飯一同品嚐，原汁原味將醬油蟹嘅精華吸收，好味至極！接著都點左兩道傳統韓國菜，芝士流心蛋看似平凡，但要烹調到流心軟滑而唔老火嘅感覺確實係唔容易！而人參雞湯, 湯水少了油膩嘅感覺，多一份清甜嘅滋味，而人參味道唔算太重，可能係調較到適合香港人嘅口味。黎到韓國餐廳，當然要食下韓燒，點左一個兩人套餐，令我地可以品嚐唔同種類嘅肉類。調味牛排骨肉，帶點雪花，脂肪比例平均，肉味濃郁。快燒大概一分鐘，再加生菜包著嚟吃，係最佳嘅配搭。而五花肉則雖然多啲時間去燒，燒嘅時候有陣陣肉香味，加點鹽花更可令表皮香脆。黑豚豬脖肉，脂肪成份較少，但品嚐瘦肉同樣不失美味。最後有調味護心肉。肉質相當彈牙，味道口感都非常出色，一人品嚐到數件，感覺相當滿足！